ಒಂದೇ ಓವರ್ ನಲ್ಲಿ ಆರು ಸಿಕ್ಸರ್ ಸಿಡಿಸಲು ಪ್ಲ್ಯಾನ್ ಮಾಡಿದ್ದ ಶ್ರೇಯಸ್ ಅಯ್ಯರ್! ಮತ್ತೇನಾಯ್ತು?

ಮುಂಬೈ: ಬಾಂಗ್ಲಾದೇಶ ವಿರುದ್ಧ ನಡೆದ ಟಿ20 ಸರಣಿಯ ಅಂತಿಮ ಪಂದ್ಯದಲ್ಲಿ 33 ಎಸೆತಗಳಲ್ಲಿ 62 ರನ್ ಗಳಿಸಿ ಸ್ಪೋಟಕ ಬ್ಯಾಟಿಂಗ್ ಪ್ರದರ್ಶಿಸಿದ್ದ ಶ್ರೇಯಸ್ ಅಯ್ಯರ್ ಈ ಬಗ್ಗೆ ಮಾತನಾಡಿದ್ದಾರೆ.

ಯಜುವೇಂದ್ರ ಚಾಹಲ್ ನಡೆಸಿಕೊಡುವ ಚಾಹಲ್ ಟಿವಿ ಸಂದರ್ಶನದಲ್ಲಿ ಶ್ರೇಯಸ್ ಇನ್ನೊಂದು ಆಸೆಯನ್ನು ಹೊರ ಹಾಕಿದ್ದಾರೆ. ಈ ದಿನ ತಾನು ಒಂದೇ ಓವರ್ ನಲ್ಲಿ ಆರು ಸಿಕ್ಸರ್ ಸಿಡಿಸಬೇಕೆಂದು ಅಂದುಕೊಂಡಿದ್ದೆ ಎಂದು ಅಯ್ಯರ್ ಹೇಳಿದ್ದಾರೆ.

ಒಂದೇ ಓವರ್ ನಲ್ಲಿ ಮೂರು ಸತತ ಸಿಕ್ಸರ್ ಬಾರಿಸಿದ್ದ ಅಯ್ಯರ್, ಆ ಓವರ್ ನ ಎಲ್ಲಾ ಎಸೆತವನ್ನೂ ಸಿಕ್ಸರ್ ಗಟ್ಟಬೇಕೆಂದುಕೊಂಡಿದ್ದರಂತೆ. ಆದರೆ ನಾಲ್ಕನೇ ಎಸೆತವನ್ನು ಬೌಲರ್ ಕೊಂಚ ವೈಡ್ ಆಗಿ ಎಸೆದಿದ್ದರಿಂದ ಆ ಅದೃಷ್ಟ ಕೈ ತಪ್ಪಿತು ಎಂದು ಅವರು ಹೇಳಿಕೊಂಡಿದ್ದಾರೆ.