ಭಾರತ ಕ್ರಿಕೆಟ್ ತಂಡದ ಪ್ರಚಂಡ ಬ್ಯಾಟ್ಸ್‌ಮನ್ ಎಂಬ ಹಣೆಪಟ್ಟಿಯನ್ನು ಮಾತ್ರ ವಿರಾಟ್ ಕೊಹ್ಲಿ ಹೊತ್ತಿಲ್ಲ. ಅವರು ಯುವಕರ ಕಣ್ಮಣಿಯೂ ಆಗಿದ್ದಾರೆ. ಉಳಿದವರಿಗೆ ಮಾದರಿಯ ವ್ಯಕ್ತಿಯಾಗಿರುವುದು ದೊಡ್ಡ ಜವಾಬ್ದಾರಿಯಾಗಿದ್ದು ಇದು ಅನೇಕ ಮಂದಿ ಮೇಲೆ ಪರಿಣಾಮ ಬೀರುತ್ತದೆ ಎಂದು ಸ್ಟಾರ್ ಆಟಗಾರ ಕೊಹ್ಲಿ ಹೇಳಿದರು. ಸದಾ ಸಾರ್ವಜನಿಕರ ದೃಷ್ಟಿಯಲ್ಲಿರುವುದು ಸರಾಗವಾದ ನಡೆಯಲ್ಲ. ಕೊಹ್ಲಿ ಆಗಾಗ್ಗೆ ತಪ್ಪು ಹೆಜ್ಜೆಯನ್ನೂ ಇರಿಸಿದ್ದಾರೆ. ತಾವು ತಪ್ಪುಗಳನ್ನು ತಿದ್ದಿಕೊಂಡು ಪಾಠ ಕಲಿಯುವುದಾಗಿ ಅವರು ಹೇಳಿದರು.
ಯುವಕರಿಗೆ ಮಾದರಿಯಾಗಿ ಇರುವುದು ಒಳ್ಳೆಯ ಭಾವನೆ ಮೂಡಿಸುತ್ತದೆ. ಜನರು ನಿಮ್ಮ ಬಳಿ ಬಂದು ನಿಮ್ಮಿಂದ ಸ್ಫೂರ್ತಿ ಪಡೆಯುವುದಾಗಿ ಹೇಳಿದಾಗ ವೈಯಕ್ತಿಕವಾಗಿ ನನಗೆ ಮುಖ್ಯವೆನಿಸುತ್ತದೆ. ಆದರೆ ನಾನು ಮಾಡುವ,ಸ ಹೇಳುವ ಪ್ರತಿಯೊಂದು ಅನೇಕ ಜನರಿಗೆ ಪರಿಣಾಮ ಬೀರುವುದರಿಂದ ಭಾರೀ ಜವಾಬ್ದಾರಿಯನ್ನು ಒಳಗೊಂಡಿರುತ್ತದೆ ಎಂದು ಫ್ಯಾನ್ ಕ್ಲಬ್ ಫ್ಯಾನ್‌ಬಾಕ್ಸ್ ಮೂಲಕ ಅಭಿಮಾನಿಗಳ ಜತೆ ಸಂಪರ್ಕ ಹೊಂದಿರುವ ಕೊಹ್ಲಿ ಈ ಮೇಲ್ ಸಂದರ್ಶನದಲ್ಲಿ ಹೇಳಿದ್ದಾರೆ.
