ಕರಾಚಿ: ಸದ್ಯ ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯಲ್ಲಿ ಬ್ಯುಸಿಯಾಗಿರುವ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಕೆಲ ಹೊತ್ತು ಕರಾಚಿಯ ಪಿಜ್ಜಾ ಅಂಗಡಿಯಲ್ಲಿ ಕಾಣಿಸಿಕೊಂಡಿದ್ದಾರೆ!
ಅದು ಹೇಗೆ ಸಾಧ್ಯ? ಎತ್ತಣ ಇಂಗ್ಲೆಂಡ್? ಎತ್ತಣ ಪಾಕಿಸ್ತಾನ? ಅದೂ ಟೀಂ ಇಂಡಿಯಾದ ಆಟಗಾರ ಪಾಕಿಸ್ತಾನಕ್ಕೆ ಹೋಗುವುದೆಂದರೇನು, ಅಲ್ಲಿ ಪಿಜ್ಜಾ ಅಂಗಡಿಯಲ್ಲಿ ಕಾಣಿಸಿಕೊಳ್ಳುವುದೇನೆಂಬ ಕುತೂಹಲವೇ?
ಅಷ್ಟಕ್ಕೂ ಕರಾಚಿಯಲ್ಲಿ ಕಾಣಿಸಿಕೊಂಡಿದ್ದು ಒರಿಜಿನಲ್ ಕೊಹ್ಲಿಯಲ್ಲ. ಟೀಂ ಇಂಡಿಯಾ ನಾಯಕನದ್ದೇ ರೂಪ ಹೊಂದಿರುವ ಇನ್ನೊಬ್ಬ ವ್ಯಕ್ತಿ. ಕರಾಚಿಯ ಪಿಜ್ಜಾ ಅಂಗಡಿಯೊಂದರಲ್ಲಿ ಕೆಲಸ ಮಾಡುತ್ತಿರುವ ಈತ ಥೇಟ್ ಕೊಹ್ಲಿಯಂತೇ ಇದ್ದಾನೆ.
ಆದರೆ ಈತ ಕೊಹ್ಲಿಯಲ್ಲ. ಕೊಹ್ಲಿ ಎಂದುಕೊಂಡು ಅನೇಕರು ಅಚ್ಚರಿಗೊಂಡಿದ್ದಾರೆ. ಈತನ ಫೋಟೋ ಫೇಸ್ ಬುಕ್ ಪೇಜ್ ಒಂದರಲ್ಲಿ ಪ್ರಕಟವಾಗಿದ್ದು ವೈರಲ್ ಆಗಿದೆ.
