ಬೆಂಗಳೂರು: ನೆಲ್ಲಿಕಾಯಿಯನ್ನು ತಿನ್ನಲು ಇಷ್ಟಪಡುವವರು ಯಾರಿಲ್ಲ ಹೇಳಿ? ಚಳಿಗಾಲದಲ್ಲಿ ನೆಲ್ಲಿಕಾಯಿ ಸೀಸನ್. ಬೆಟ್ಟದ ನೆಲ್ಲಿಕಾಯಿಯಲ್ಲಿ ಹಲವು ಆರೋಗ್ಯಕರ ಅಂಶಗಳಿವೆ. ಇದರಲ್ಲಿ ವಿಟಮಿನ್ ಸಿ ಅಂಶ ಹೇರಳವಾಗಿದೆ. ಇತರ ಉಪಯೋಗಗಳನ್ನು ತಿಳಿದುಕೊಳ್ಳೋಣ.
ಮಲಬದ್ಧತೆ ಹಾಗೂ ಇತರ ಸಮಸ್ಯೆಗಳಿಗೆ
ಮಲ ವಿಸರ್ಜಿಸುವಾಗ ನೋವು, ರಕ್ತ ಬರುತ್ತಿದ್ದರೆ, ಬೇಯಿಸಿ ಒಣಗಿಸಿದ ನೆಲ್ಲಿಕಾಯಿ ಚೂರನ್ನು ಮೊಸರಿನೊಂದಿಗೆ ಖಾಲಿ ಹೊಟ್ಟೆಯಲ್ಲಿ ಸೇವಿಸುವುದು ಉತ್ತಮ. ಬೇಧಿಯಾಗುತ್ತಿದ್ದರೂ, ನೆಲ್ಲಿಕಾಯಿ ಸೇವನೆ ಒಳ್ಳೆಯದು.
ರಕ್ತ ಪರಿಚಲನೆಗೆ
ಇದರಲ್ಲಿ ವಿಟಮಿನ್ ಸಿ ಅಂಶ ಹೇರಳವಾಗಿದ್ದು, ದೇಹದಲ್ಲಿ ಉಷ್ಣತೆ ಸಮತೋಲನದಲ್ಲಿಡುವುದಲ್ಲದೆ, ರಕ್ತ ಪರಿಚಲನೆಯನ್ನು ಸುಗಮವಾಗಿಸುವುದು. ರಕ್ತ ಹೀನತೆಯಿಂದ ಬಳಲುತ್ತಿರುವವರೂ ಇದರ ಸೇವನೆ ಮಾಡುವುದು ಉತ್ತಮ. ಇದು ಕೆಂಪು ರಕ್ತ ಕಣಗಳನ್ನು ಹೆಚ್ಚಿಸುತ್ತದೆ.
ಆಯಸ್ಸು ಹೆಚ್ಚುತ್ತದಂತೆ!
ಇದರಲ್ಲಿ ನೀರಿನಲ್ಲಿರುವ ಶೇಕಡಾ 80 ರಷ್ಟು ಖನಿಜಾಂಶ, ನೀರು, ಕಾರ್ಬೋಹೈಡ್ರೇಟ್, ಮತ್ತು ಪ್ರೊಟೀನ್ ಗಳಿರುವುದರಿಂದ ದೇಹಕ್ಕೆ ಬೇಕಾದ ಶಕ್ತಿ ಮತ್ತು ಸಾಮರ್ಥ್ಯ ಒದಗಿಸುತ್ತದೆ. ಸಹಜವಾಗಿ ಇದರಿಂದ ನಮ್ಮ ಆಯಸ್ಸು ಹೆಚ್ಚುತ್ತದಂತೆ.
ಸೌಂದರ್ಯ ವರ್ಧಕ
ಮುಖದ ಕಾಂತಿಗೆ ನೆಲ್ಲಿಕಾಯಿ ಉತ್ತಮ. ನೆಲ್ಲಿಕಾಯಿ ಚೂರ್ಣ, ಕೂದಲು ಉದುರುವುದಕ್ಕೆ ಬಳಸುವ ಎಣ್ಣೆಗಳಲ್ಲಿ ಇದನ್ನು ಉಪಯೋಗಿಸಲಾಗುತ್ತದೆ. ಸೌಂದರ್ಯ ವರ್ಧಕವಾಗಿಯೂ ಇದನ್ನು ಬಳಸಲಾಗುತ್ತದೆ.
ಇದಲ್ಲದೆ, ಹೃದಯದ ಮಾಂಸಖಂಡಗಳಿಗೆ ಶಕ್ತಿ ಒದಗಿಸುವುದು, ಮಲಬದ್ಧತೆ ನಿವಾರಿಸುವುದು, ವಯಸ್ಸಾಗದಂತೆ ತಡೆಗಟ್ಟುವುದು ಹೀಗೆ ನೆಲ್ಲಿಕಾಯಿ ಸೇವನೆಯಿಂದ ಅನೇಕ ಉಪಯೋಗವಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
