ಬಾರ್ಲಿ ನೀರು ಸೇವಿಸಿದರೆ ಏನು ಲಾಭ ತಿಳಿಯಿರಿ

ಬೆಂಗಳೂರು: ದೇಹದಲ್ಲಿ ನಿರ್ಜಲೀಕರಣ ಉಂಟಾದಾಗ ವೈದ್ಯರು ನಮ್ಮ ಬಳಿ ಬಾರ್ಲಿ ನೀರು ಸೇವನೆ ಮಾಡಲು ಹೇಳುತ್ತಾರೆ. ಬಾರ್ಲಿ ನೀರು ಸೇವಿಸುವುದರಿಂದ ಆಗುವ ಲಾಭಗಳೇನು ನೋಡೋಣ.

ವಿಷಾಂಶ ತೆಗೆಯುತ್ತದೆ
ದೇಹದಲ್ಲಿ ಸೇರಿಕೊಂಡ ವಿಷಾಂಶ ಹೊರತೆಗೆಯಲು ಬಾರ್ಲಿ ನೀರಿನ ಸೇವನೆ ಅಗತ್ಯ. ಬಾರ್ಲಿಯಲ್ಲಿರುವ ಬೀಟಾ ಗ್ಲುಕೋನ್ ಅಂಶ ನಮ್ಮ ದೇಹದೊಳಗಿನ ವಿಷಾಂಶ ಹೊರ ಹಾಕಲು ನೆರವಾಗುತ್ತದೆ.

ಮೂತ್ರದ ಸಮಸ್ಯೆಗೆ
ಉರಿಮೂತ್ರ, ಮೂತ್ರದ ಸೋಂಕು ಮುಂತಾದ ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಬಾರ್ಲಿ ನೀರು ಕುಡಿಯಬಹುದು. ಮೂತ್ರದ ಸೋಂಕು ಹೋಗುವವರೆಗೂ ಪ್ರತಿದಿನ ಖಾಲಿ ಹೊಟ್ಟೆಯಲ್ಲಿ ಬಾರ್ಲಿ ನೀರು ಕುಡಿಯುವುದು ಒಳ್ಳೆಯದು.

ಅಜೀರ್ಣ ಸಮಸ್ಯೆಗೆ
ಉಷ್ಣದಿಂದಾಗುವ ಸಮಸ್ಯೆಗಳು, ಗ್ಯಾಸ್ಟ್ರಿಕ್ ಸಮಸ್ಯೆಗಳಿಗೆ ಬಾರ್ಲಿ ನೀರು ಸೇವಿಸಬಹುದೆಂದು ಆಯುರ್ವೇದದಲ್ಲಿ ಹೇಳಲಾಗಿದೆ. ಅದಲ್ಲದೆ, ಮಲಬದ್ಧತೆ, ಬೇಧಿ ಮುಂತಾದ ಸಮಸ್ಯೆಯಿದ್ದರೂ ಬಾರ್ಲಿ ನೀರು ಸೇವಿಸಬಹುದು.

ತೂಕ ಇಳಿಕೆಗೆ
ಬಾರ್ಲಿ ನೀರು ದೇಹದಲ್ಲಿ ಜೀರ್ಣಕ್ರಿಯೆ ಸರಿಯಾಗಿ ಆಗುವಂತೆ ನೋಡಿಕೊಳ್ಳುತ್ತದೆ. ಅದರ ಜತೆಗೆ ದೇಹದಲ್ಲಿರುವ ಬೇಡದ ಕೊಬ್ಬಿನಂಶ ಕರಗಿಸುತ್ತದೆ. ಹಾಗಾಗಿ ತೂಕ ಇಳಿಸಿಕೊಳ್ಳುವವರಿಗೂ ಉತ್ತಮ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ