(Viral Video)ಕೋರ್ಟ್`ನಲ್ಲಿ ತಂದೆಗೇ ಶಿಕ್ಷೆ ವಿಧಿಸಿದ 5 ವರ್ಷದ ಬಾಲಕ..!
ಶುಕ್ರವಾರ, 2 ಜೂನ್ 2017 (20:10 IST)
ಅಮೆರಿಕ ಕೋರ್ಟ್`ವೊಂದರಲ್ಲಿ 5 ವರ್ಷದ ಬಾಲಕ ತಂದೆಗೇ ಶಿಕ್ಷೆ ವಿಧಿಸಿರುವ ಅಪರೂಪದ ಘಟನೆ ನಡೆದಿದೆ. ಮಕ್ಕಳು ಸುಳ್ಳು ಹೇಳುವುದಿಲ್ಲವೆಂದು ನ್ಯಾಯಾಧೀಶರು ತಂದೆಯ ಅಪರಾಧಕ್ಕೆ ಯಾವ ಶಿಕ್ಷೆ ಕೊಡಬೇಕೆಂದು ಮಗುವನ್ನ ಕೇಳಿದ್ದಾರೆ. ಈ ಸಂದರ್ಭ ಮಗು ಕೊಟ್ಟ ಉತ್ತರ ನಿಜಕ್ಕೂ ಅಚ್ಚರಿ ಮೂಡಿಸುತ್ತಿದೆ.
ಜೇಕಬ್ ತಂದೆ ನೋ ಪಾರ್ಕಿಂಗ್ ಜಾಗದಲ್ಲಿ ಕಾರು ನಿಲ್ಲಿಸಿದ್ದ ತಪ್ಪಿಗೆ ಸಂಬಂಧಿಸಿದಂತೆ ವಿಚಾರಣೆ ನಡೆಯುತ್ತಿತ್ತು. ಈ ಸಂದರ್ಭ ಮಗು ಜೇಕಬ್`ನನ್ನ ಬಳಿಗೆ ಕರೆದ ಜಡ್ಜ್ 2 ನಿಮಿಷ ವಿಶ್ವಾಸದಿಂದ ಮಾತನಾಡಿ ಮಗುವಿನ ಸ್ನೇಹ ಸಂಪಾದಿಸುತ್ತಾರೆ. ಬಳಿಕ ತೀರ್ಪು ನೀಡಲು ನಿನ್ನ ಸಹಾಯ ಬೇಕೆಂದ ನ್ಯಾಯಾಧೀಶರು, ನಿಮ್ಮ ತಂದೆಗೆ ಶಿಕ್ಷೆ ವಿಧಿಸಲು ನನ್ನ ಬಳಿ ಮೂರು ಆಯ್ಕೆಗಳಿವೆ. 90 ಡಾಲರ್ ದಂಡ, 30 ಡಾಲರ್ ದಂಡ ಅಥವಾ ಶಿಕ್ಷೆ ವಿಧಿಸದೇ ಬಿಟ್ಟು ಬಿಡಬಹುದು. ಇದರಲ್ಲಿ ನಿನ್ನ ಆಯ್ಕೆ ಏನು ಎಂದು ಪ್ರಶ್ನಿಸುತ್ತಾರೆ.
ಈ ಸಂದರ್ಭ ಸ್ವಲ್ಪವೂ ಯೋಚಿಸದೇ ಜೇಕಬ್ 30 ಎಂದು ಉತ್ತರಿಸುತ್ತಾನೆ. ನ್ಯಾಯಾಧೀಶರು ಇದನ್ನ ಕಂಡು ನೀನು ಒಳ್ಳೆಯ ಜಡ್ಜ್ ಎನ್ನುತ್ತಾರೆ. ನೆರೆದಿದ್ದವರು ಸಹ ಅಚ್ಚರಿಗೊಳಗಾಗುತ್ತಾರೆ. ಆನ್ ಲೈನ್`ನಲ್ಲಿ ಈ ವಿಡಿಯೋ 8 ಮಿಲಿಯನ್ ವೀವ್ಸ್ ಕಂಡಿದೆ.
