ಭ್ರಷ್ಟಾಚಾರ, ಕಪ್ಪು ಹಣ ಮತ್ತು ತೆರಿಗೆ ವಂಚನೆ ವಿರುದ್ಧ ಹೋರಾಟವು ಪರಿಣಾಮಕಾರಿ ಹಣಕಾಸು ಆಡಳಿತಕ್ಕೆ ಮುಖ್ಯವಾಗಿದೆ ಎಂದು ಚೀನಾನಗರದಲ್ಲಿ ಜಿ 20 ಶೃಂಗಸಭೆಯ ಎರಡನೇ ದಿನ ಪ್ರಧಾನಿ ಹೇಳಿದರು. ಇದನ್ನು ಸಾಧಿಸಲು ಆರ್ಥಿಕ ಅಪರಾಧಿಗಳಿಗೆ ಸುರಕ್ಷಿತ ಸ್ವರ್ಗ ನಿವಾರಿಸಬೇಕು, ಹಣಕಾಸು ಅಕ್ರಮವೆಸಗುವವರನ್ನು ಗುರುತಿಸಿ ಬೇಷರತ್ತಾಗಿ ಗಡೀಪಾರು ಮಾಡಬೇಕು ಮತ್ತು ಭ್ರಷ್ಟರ ಕೃತ್ಯಗಳನ್ನು ಮುಚ್ಚಿ ಹಾಕುವ ವಿಪರೀತ ಬ್ಯಾಂಕಿಂಗ್ ಗೋಪ್ಯತೆಗಳನ್ನು ಹಾಗೂ ಸಂಕೀರ್ಣ ಅಂತಾರಾಷ್ಟ್ರೀಯ ನಿಯಂತ್ರಣಗಳನ್ನು ಮುರಿಯಬೇಕು ಎಂದು ಪ್ರಧಾನಿ ಪ್ರತಿಪಾದಿಸಿದರು.
