ಮಗುವನ್ನು ನೀರಿಗೆಸೆದು ಕೊಂದವನಿಗೆ 100 ವರ್ಷ ಜೈಲು

3 ವರ್ಷದ ಮಲಮಗಳನ್ನು ಈಜುಕೊಳದಲ್ಲಿ ಎಸೆದು ಸಾಯಿಸಿದ ಪಾಪಿ ತಂದೆಗೆ ಮೆಕ್ಸಿಕೋದಲ್ಲಿ 100 ವರ್ಷ ಶಿಕ್ಷೆಯನ್ನು ವಿಧಿಸಲಾಗಿದೆ. 

ಆಗಸ್ಟ್ 12, 2015ರಲ್ಲಿ ಮಿಚೋಕನ್ ನಗರದ ಹೊಟೆಲ್ ಒಂದರ ಈಜುಕೊಳದಲ್ಲಿ ಈ ಅಮಾನುಷ ಕೃತ್ಯವನ್ನು ಎಸಗಲಾಗಿತ್ತು. 

ಕ್ರೂರ ತಂದೆ ಜೋಸ್ ಡೇವಿಡ್ ಎನ್. ತನ್ನ ಪತ್ನಿ ಹೊಟೇಲ್ ಕೋಣೆಯಲ್ಲಿ ಮಲಗಿದ್ದಾಗ ಮೂರು ವರ್ಷದ ಮಗಳನ್ನು ಈಜುಕೊಳದಲ್ಲಿ ಮುಳುಗಿಸಿ ಕೊಂದಿದ್ದ. ಆತ ಆಕೆ ಒದ್ದಾಡುತ್ತಿದ್ದುದನ್ನು ನೋಡಿದರೂ ಆತನ ಕಲ್ಲು ಹೃದಯ ಕರಗಲಿಲ್ಲ. ಬಳಿಕ ಆಕೆಯ ತಲೆಯನ್ನು ಹಿಡಿದು ನೀರಿನಲ್ಲಿ ಮತ್ತೆ ಮುಳುಗಿಸಿದ್ದ. ಈ ಎಲ್ಲ ದೃಶ್ಯಾವಳಿಗಳು ಹೊಟೆಲ್‌ನಲ್ಲಿ ಅಳವಡಿಸಲಾಗಿದ್ದ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದವು.

ತನ್ನ ಗಂಡನೇ ಮಗುವನ್ನು ಕೊಂದಿದ್ದು ಎಂಬುದು ತಾಯಿಗೆ ಸಿಸಿ ಕ್ಯಾಮರಾ ನೋಡಿದ ಬಳಿಕ ಬೆಳಕಿಗೆ ಬಂದಿತ್ತು. ಸಿಸಿ ಟಿವಿ ಕ್ಯಾಮರಾ ನೋಡಿದ ಬಳಿಕ ನ್ಯಾಯಾಧೀಶರು ಶಿಕ್ಷೆಯ ಅವಧಿಯನ್ನು 100 ವರ್ಷಗಳಿಗೆ ಏರಿಸಿದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ