ಯುವತಿಗೆ ಹೀಯಾಳಿಸಿದ್ದಕ್ಕೆ 15 ವರ್ಷ ಜೈಲು ಶಿಕ್ಷೆಗೆ ಒಳಗಾದ ವ್ಯಕ್ತಿ. ಈ ಘಟನೆ ನಡೆದದ್ದೆಲ್ಲಿ ಗೊತ್ತಾ?

ನ್ಯೂಯಾರ್ಕ್ : ವ್ಯಕ್ತಿಯೊಬ್ಬ ಯುವತಿಗೆ ಸಲಿಂಗಿ ಎಂದು ಹೀಯಾಳಿಸಿದ ಕಾರಣಕ್ಕೆ 15 ವರ್ಷ ಜೈಲುವಾಸ ಅನುಭವಿಸುವಂತಾದ ಘಟನೆ ನ್ಯೂಯಾರ್ಕ್ ನಲ್ಲಿ ನಡೆದಿದೆ.

54 ವರ್ಷದ ಅಲಾಶೀದ್ ಅಲ್ಲಾಹ ಎಂಬಾತ ಸಬ್ ವೇ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದಾಗ ಸಹ ಪ್ರಯಾಣಿಕರಾದ ಭಾರತೀಯ ಮೂಲದ ಅವನೀತ್ ಕೌರ್ ಎಂಬ 20 ರ ಹರೆಯದ ಯುವತಿ ನೀನು ಸಲಿಂಗಿ ಎಂದು ಹೀಯಾಳಿಸಿದ್ದಾನೆ. ಅಲ್ಲದೇ ಆಕೆಯನ್ನು ಹಿಂಬಾಲಿಸಿಕೊಂಡು ಹೋಗಿ ಮೈ ಮುಟ್ಟಿ ಅಸಭ್ಯವಾಗಿ ವರ್ತಿಸಿದ್ದಾನೆ.

ಈ ಕಾರಣದಿಂದ ಆಕೆ ಪೊಲೀಸ್ ಠಾಣೆಯಲ್ಲಿ ದೂರು ನೀಡಿದ್ದು, ಆರೋಪಿಯನ್ನು ಬಂಧಿಸಿದ ಪೊಲೀಸರು ಕೋರ್ಟ್ ಗೆ ಹಾಜರುಪಡಿಸಿದ್ದಾರೆ. ಇದರ ವಿಚಾರಣೆ ನಡೆಸಿದ್ದ ನ್ಯಾಯಾಲಯ, ಈ ದೇಶದಲ್ಲಿ ಯಾವುದೇ ಕಾರಣಕ್ಕೂ ಅಸಹಿಷ್ಣುತೆ ಹಾಗೂ ಲೈಂಗಿಕ ದೌರ್ಜನ್ಯವನ್ನು ಪ್ರೋತ್ಸಾಹಿಸುವ ಪ್ರಶ್ನೆಯೇ ಇಲ್ಲ ಎಂದು ಅಲಾಶೀದ್ ಅಲ್ಲಾಹ ಗೆ 15 ವರ್ಷ ಜೈಲು ಶಿಕ್ಷೆ ವಿಧಿಸಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.