ಬೆಂಗಳೂರು: ಆರ್ ಸಿಬಿ ಬಹುಶಃ ಈ ಆವೃತ್ತಿಯ ಐಪಿಎಲ್ ನಲ್ಲಿ ಗೆಲ್ಲಬೇಕೆನ್ನುವ ವಿಷಯವನ್ನೇ ಮರೆತಂತಿದೆ. ಚೇಸಿಂಗ್ ವೀರರು ಇದ್ದರೂ ಸೋಲುತ್ತಿರುವುದಕ್ಕೆ ಅಭಿಮಾನಿಗಳಿಗೆ ತೀರಾ ನಿರಾಸೆಯಾಗಿದೆ.
ಕೇವಲ 138 ರನ್ ಗಳ ಸಣ್ಣ ಮೊತ್ತ ಚೇಸ್ ಮಾಡಲೂ ಆರ್ ಸಿಬಿಗೆ ಸಾಧ್ಯವಾಗಲಿಲ್ಲ. ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ 19 ರನ್ ಗಳಿಂದ ಆರ್ ಸಿಬಿಯನ್ನು ಸೋಲಿಸಿತು. ಆರ್ ಸಿಬಿ 19 ಓವರ್ ಗಳಲ್ಲಿ 119 ರನ್ ಗಳಿಗೆ ಆಲ್ ಔಟ್ ಆಯಿತು.
ಪಂಜಾಬ್ ಪರ ಆಲ್ ರೌಂಡ್ ಪ್ರದರ್ಶನ ನೀಡಿದ ಅಕ್ಸರ್ ಪಟೇಲ್ ಪಂಜಾಬ್ ಗೆಲುವಿಗೆ ಮುನ್ನುಡಿ ಬರೆದರು. ಇದು ಯಾವುದೇ ತಂಡ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕನಿಷ್ಟ ಮೊತ್ತ ಗಳಿಸಿಯೂ ಗೆಲುವು ಸಾಧಿಸಿದ ದಾಖಲೆಯಾಗಿದೆ.
ಆರ್ ಸಿಬಿಯ ಬಿಗ್ ಥ್ರೀ ಬ್ಯಾಟ್ಸ್ ಮನ್ ಗಳಾದ ವಿರಾಟ್ ಕೊಹ್ಲಿ 6, ಕ್ರಿಸ್ ಗೇಲ್ 0 ಮತ್ತು ಎಬಿಡಿ ವಿಲಿಯರ್ಸ್ 10 ರನ್ ಗಳಿಗೆ ಔಟಾಗಿದ್ದು, ಆರ್ ಸಿಬಿಗೆ ದುಬಾರಿಯಾಗಿ ಪರಿಣಮಿಸಿತು. ಇದರೊಂದಿಗೆ 12 ಪಂದ್ಯಗಳಲ್ಲಿ 10 ಸೋಲು ಕಂಡ ಆರ್ ಸಿಬಿ ಕೊನೆಯ ಸ್ಥಾನಕ್ಕೆ ಇಳಿಯಿತು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
