ಐಪಿಎಲ್ ಕ್ರಿಕೆಟ್ ಪ್ರಿಯರಿಗೆ ಬಿಸಿಸಿಐ ನೀಡಿದ ಸಿಹಿ ಸುದ್ದಿ!
ಗುರುವಾರ, 2 ಫೆಬ್ರವರಿ 2017 (09:52 IST)
ಮುಂಬೈ: ಬಿಸಿಸಿಐನಲ್ಲಿ ಅಲ್ಲೋಲಕಲ್ಲೋಲ ಉಂಟಾಗಿರುವ ಹಿನ್ನಲೆಯಲ್ಲಿ ಈ ವರ್ಷ ಬೇಸಿಗೆಯಲ್ಲಿ ರಜಾ ಮಜಾ ಪಡೆಯಲು ಐಪಿಎಲ್ ಟಿ20 ಕ್ರಿಕೆಟ್ ನಡೆಯುತ್ತದೋ ಇಲ್ಲವೋ ಎಂದು ಅನುಮಾನದಲ್ಲಿದ್ದ ಅಭಿಮಾನಿಗಳಿಗೆ ಸಿಹಿ ಸುದ್ದಿ ಬಂದಿದೆ.
ನಿಗದಿಯಂತೇ ಏಪ್ರಿಲ್ 5 ರಿಂದ ಐಪಿಎಲ್ ಕ್ರಿಕೆಟ್ ನಡೆಯಲಿದೆ ಎಂದು ಬಿಸಿಸಿಐ ಆಡಳಿತ ಸಮಿತಿ ಹೇಳಿದೆ. ಹತ್ತನೇ ಐಪಿಎಲ್ ಪಂದ್ಯಾವಳಿಗೆ ಬೇಕಾದ ಸಿದ್ಧತೆಗಳನ್ನು ನಡೆಸಲು ಸುಪ್ರೀಂ ಕೋರ್ಟ್ ನೇಮಿಸಿದ ಹೊಸ ಆಡಳಿತ ಸಮಿತಿ ಹಸಿರು ನಿಶಾನೆ ತೋರಿದೆ.
ಹೀಗಾಗಿ ನಿಗದಿಯಂತೇ ಐಪಿಎಲ್ ಪಂದ್ಯಗಳು ನಡೆಯಲಿದ್ದು, ಜಾಹೀರಾತುದಾರರು ಸೇರಿದಂತೆ ಇತರ ಕೆಲಸಗಳಿಗೆ ಬೇಕಾದ ಒಪ್ಪಂದದ ಕೆಲಸಗಳು ನಿರಾತಂಕವಾಗಿ ನಡೆಯಲಿದೆ ಎಂದು ಹೊಸ ಆಡಳಿತ ಮಂಡಳಿ ತಿಳಿಸಿದೆ. ಪಂದ್ಯದ ಸಮಯ, ಸ್ಥಳ, ಟಿಕೆಟ್ ಮಾರಾಟ ಕುರಿತಂತೆ ಇಂದು ನಡೆಯಲಿರುವ ಐಸಿಸಿ ಸಭೆಯ ನಂತರ ಬಿಸಿಸಿಐ ಆಡಳಿತ ಮಂಡಳಿ ನಿರ್ಧಾರ ಕೈಗೊಳ್ಳಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
