ಮುಂಬೈ ಇಂಡಿಯನ್ಸ್ ಬೌಲಿಂಗ್ ದಾಳಿಯನ್ನು ಧೂಳಿಪಟ ಮಾಡಿದ ಆರಂಭಿಕ ಆಟಗಾರರಾದ ಡ್ವೇನ್ ಸ್ಮಿತ್ ಮತ್ತು ಬ್ರೆಂಡನ್ ಮೆಕಲಮ್ 44 ಎಸೆತಗಳಲ್ಲಿ 109 ರನ್ ಸಿಡಿಸುವ ಮೂಲಕ ಚೆನ್ನೈ ಸೂಪರ್ ಕಿಂಗ್ಸ್ ತಂಡಕ್ಕೆ ಜಯ ತಂದುಕೊಟ್ಟಿದ್ದಾರೆ. ಇದರಿಂದ ಚೆನ್ನೈ ಸೂಪರ್ ಕಿಂಗ್ಸ್ ಈ ಬಾರಿಯ ಐಪಿಎಲ್ನಲ್ಲಿ ಸತತ 3ನೇ ಗೆಲುವನ್ನು ಗಳಿಸಿದರೆ, ಮುಂಬೈ ಇಂಡಿಯನ್ಸ್ ಸತತ 4 ಸೋಲುಗಳನ್ನು ಅನುಭವಿಸಿದೆ.
ಸ್ಮಿತ್ ನಾಲ್ಕು ಸಿಕ್ಸರ್ಗಳು ಮತ್ತು 8 ಬೌಂಡರಿಗಳನ್ನು ಚಚ್ಚಿದರೆ ಮೆಕಲಮ್ 6 ಬೌಂಡರಿಗಳು ಮತ್ತು ಎರಡು ಸಿಕ್ಸರ್ಗಳನ್ನು ಚಚ್ಚಿದರು. ಮೆಕಲಮ್ ಮತ್ತು ಸ್ಮಿತ್ ಅಬ್ಬರದ ಬ್ಯಾಟಿಂಗ್ನಿಂದ ಚೆನ್ನೈ ತಂಡದ ಗೆಲುವು ಖಚಿತವಾಗಿತ್ತು. ಸ್ಮಿತ್ 30 ಎಸೆತಗಳಲ್ಲಿ 62 ರನ್ ಬಾರಿಸಿದರೆ, ಮೆಕಲಮ್ 20 ಎಸೆತಗಳಲ್ಲಿ 46 ರನ್ ಸ್ಕೋರ್ ಮಾಡಿದರು.