ಕೆಕೆಆರ್ ಪ್ರಸಕ್ತ ಪಾಯಿಂಟ್ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದು, ಮೂರು ಜಯ ಮತ್ತು ಎರಡು ಸೋಲು ಹಾಗೂ ಮಳೆಯಿಂದಾಗಿ ರದ್ದಾದ ಪಂದ್ಯದಿಂದ 7 ಪಾಯಿಂಟ್ ಗಳಿಸಿದೆ. ಸಿಎಸ್‌ಕೆ 6 ಪಂದ್ಯಗಳಲ್ಲಿ ಕೇವಲ ಒಂದು ಸೋಲು ಅನುಭವಿಸಿ ಎರಡನೇ ಸ್ಥಾನದಲ್ಲಿ ಸ್ಥಿರವಾಗಿದೆ.
ಮಹೇಂದ್ರ ಸಿಂಗ್ ಧೋನಿ ಬಳಗವು ತವರು ಮೈದಾನದಲ್ಲಿ ಮೇಲುಗೈ ಪಡೆದಿದ್ದು, ಕಿಂಗ್ಸ್ ಇಲೆವನ್ ವಿರುದ್ಧ 97 ರನ್ ಜಯಗಳಿಸಿದೆ. ಚೆನ್ನೈ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಡ್ವೇನ್ ಸ್ಮಿತ್, ಮೆಕಲಮ್, ಸುರೇಶ್ ರೈನಾ ಮತ್ತು ಧೋನಿ ಮಿಂಚಿದ್ದರೆ ಬೌಲಿಂಗ್ ಕೂಡ ಸವಾಲಿನಿಂದ ಕೂಡಿದೆ.
ಈ ನಡುವೆ ಕೆಕೆಆರ್ ಮಳೆಯಿಂದ ರದ್ದಾದ ಪಂದ್ಯಕ್ಕೆ ಮುಂಚೆ ಸನ್‌ರೈಸರ್ಸ್‌ ತಂಡಕ್ಕೆ ಸೋತಿತ್ತು. ಇದರಿಂದಾಗಿ ತಂಡದ ಬ್ಯಾಟಿಂಗ್ ದೌರ್ಬಲ್ಯ ಬೆಳಕಿಗೆ ಬಂದಿತ್ತು. ಗೌತಮ್ ಗಂಭೀರ್ ನೇತೃತ್ವದ ಬ್ಯಾಟಿಂಗ್ ಅಸ್ಥಿರತೆಯಿಂದ ಕೂಡಿದ್ದರೆ, ಬೌಲಿಂಗ್ ದಾಳಿ ಆತಂಕಕ್ಕೆ ಕಾರಣವಾಗಿದೆ.
