ಗ್ರಾಹಕರ ಅಭಿಪ್ರಾಯಗಳನ್ನು ನಿಸ್ಸಾನ್ ಇಂಡಿಯಾ ನಿರಂತರ ಸ್ವೀಕರಿಸುತ್ತಲೇ ಇದೆ. ವಿಶಾಲವಾದ ಸ್ಥಳಾವಕಾಶ, ಸಕಲ ಸಲವತ್ತುಗಳೊಂದಿಗೆ ನ್ಯೂ ಸನ್ನಿ ರಸ್ತೆಗಿಳಿದಿದೆ. ಇದಿಷ್ಟೇ ಅಲ್ಲದೆ ಇಂಧನವನ್ನು ಉಳಿಸುವ ಇಂಜಿನ್ ಇದರ ವಿಶೇಷ ಎಂದು ನಿಸ್ಸಾನ್ ಇಂಡಿಯಾ ವ್ಯವಸ್ಥಾಪಕ ನಿರ್ದೇಶಕ ಅರುಣ್ ಮಲ್ಹೋತ್ರಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಪೆಟ್ರೋಲ್, ಡೀಸಲ್ ವೇರಿಯಂಟ್‌ಗಳಲ್ಲಿ ಸನ್ನಿ ದೊರೆಯಲಿದೆ. ಪೆಟ್ರೋಲ್ ಇಂಜಿನ್ 1,498 ಸಿಸಿ ಸಾಮರ್ಥ್ಯ, ಡೀಸೆಲ್ ಇಂಜಿನ್ 1,461 ಸಿಸಿ ಸಾಮರ್ಥ್ಯ ಇದೆ. ಪೆಟ್ರೋಲ್ ಕಾರಿನ ಬೆಲೆ ರೂ.7.91 ಲಕ್ಷಗಳಿಂದ ರೂ.10.89 ಲಕ್ಷಗಳ ನಡುವೆ ಇದೆ. ಡೀಸೆಲ್ ಕಾರಿನ ಬೆಲೆ ರೂ.8.8 ಲಕ್ಷಗಳಿಂದ ರೂ.10.76 ಲಕ್ಷಗಳ ನಡುವೆ ಇದೆ.
