ಜಾಗ್ವಾರ್ ಲ್ಯಾಂಡ್ ರೋವರ್ (ಜೆಎಲ್ಆರ್) ಇಂಡಿಯಾ ದೇಶೀಯವಾಗಿ ತಯಾರಿಸಿರುವ ಎಕ್ಸ್ಎಫ್ ಸೆಡಾನ್ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ. ಇದರ ಬೆಲೆ ರೂ.47.50 ಲಕ್ಷಗಳು (ಎಕ್ಸ್-ಶೋರೂಂ ದೆಹಲಿ). 2 ಲೀಟರ್ ಡೀಸೆಲ್, 2 ಲೀಟರ್ ಪೆಟ್ರೋಲ್ ಇಂಜಿನ್‌ಗಳೊಂದಿಗೆ ಇದು ಲಭ್ಯ.
ದೇಶೀಯ ಮಾರುಕಟ್ಟೆಯನ್ನು ಗಮನದಲ್ಲಿಟ್ಟುಕೊಂಡು ಈ ಕಾರನ್ನು ತಯಾರಿಸಲಾಗಿದೆ ಎಂದು ಜಾಗ್ವಾರ್ ಲ್ಯಾಂಡ್ ರೋವರ್ ಇಂಡಿಯಾ ವ್ಯವಸ್ಥಪಕಾ ನಿರ್ದೇಶಕ, ಅಧ್ಯಕ್ಷ ರೋಹಿತ್ ಸೂರಿ ತಿಳಿಸಿದ್ದಾರೆ. 2009ರಿಂದ ಜಾಗ್ವಾರ್ ಎಕ್ಸ್ಎಫ್‌ಗೆ ದೇಶೀಯ ಮಾರುಕಟ್ಟೆಯಲ್ಲಿ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ ಎಂದಿದ್ದಾರೆ.
ಇನ್‍ಕಂಟ್ರೋಲ್ ಟಚ್ ಪ್ರೋ, 25.9 ಸೆಂಟಿಮೀಟರ್‌ಗಳ ಟಚ್ ಸರ್ಕಿನ್ ಇನ್ಫೋಟೇನ್‌ಮೆಂಟ್, ಮೆರಿಡಿಯನ್ ಸೌಂಡ್ ಸಿಸ್ಟಂನಂತಹ ವಿಶೇಷಗಳು ಈ ಕಾರಿನಲ್ಲಿವೆ.
