ಭವಿಷ್ಯದ ಬಳಕೆದಾರರಿಗೆ ಅತ್ಯುತ್ತಮ ಮೊಬೈಲ್ ಸೇವೆಗಳನ್ನು ಒದಗಿಸಿದ್ದಕ್ಕೆ ರಿಲಯನ್ಸ್ ಜಿಯೋ, ಸ್ಯಾಂಸಂಗ್ ಎಲಕ್ಟ್ರಾನಿಕ್ಸ್‌ಗೆ ಗ್ಲೋಬಲ್ ಮೊಬೈಲ್ ಅವಾರ್ಡ್ಸ್ 2017 ಸಿಕ್ಕಿದೆ. ಬಾರ್ಸಿಲೋನಾದಲ್ಲಿ ನಡೆಯುತ್ತಿರುವ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್‌ನಲ್ಲಿ ಈ ಪ್ರಶಸ್ತಿಗಳನ್ನು ಪ್ರದಾನ ಮಾಡಲಾಗಿದೆ.
ಡಿಜಿಟಲ್ ಅಂತರನ್ನು ಅಳಿಸಿಹಾಕಿ, ದೇಶವನ್ನು ಡಿಜಿಟಲ್ ಕ್ಷೇತ್ರದಲ್ಲಿ ಶಕ್ತಿಯುತವಾಗಿ ರೂಪಿಸುವಲ್ಲಿ ಜಿಯೋ, ಸ್ಯಾಂಸಂಗ್ ಮಾಡಿದ ಕೃಷಿಯನ್ನು ಗುರುತಿಸಿ ಈ ಪ್ರತಿಷ್ಠಿತ ಪ್ರಶಸ್ತಿ ನೀಡಲಾಗಿದೆ. ಡಾಟಾವನ್ನು ಅತ್ಯಂತ ವೇಗವಾಗಿ ಬದಲಾಯಿಸುವ ಎಲ್‌ಟಿಇ ತಂತ್ರಜ್ಞಾನವನ್ನು ಬಳಕೆಗೆ ತರುವ ಮೂಲಕ, ಉಚಿತ ಕರೆಗಳು, ಜಗತ್ತಿನಲ್ಲೇ ಅತ್ಯಂತ ಕಡಿಮೆ ಬೆಲೆ ಡಾಟಾ ನೀಡುತ್ತಿರುವ ಕಾರಣ, ಗ್ರಾಮೀಣ ಪ್ರದೇಶಗಳಿಗೆ ಮಾಹಿತಿ, ತಂತ್ರಜ್ಞಾನ ಬಹಳ ವೇಗವಾಗಿ ತಲುಪಿದೆ ಎಂದು ಪ್ರಶಂಸಿಸಲಾಗಿದೆ.
