ದುಬಾರಿ ವಾಚ್ ಧರಿಸಿ ಸೋಶಿಯಲ್ ಮೀಡಿಯಾದಲ್ಲಿ ಸುದ್ದಿಯಾದ ನಟ ಪವನ್ ಕಲ್ಯಾಣ್

ಹೈದರಾಬಾದ್ : ಪವರ್ ಸ್ಟಾರ್ ಪವನ್ ಕಲ್ಯಾಣ್ಯ ಟಾಲಿವುಡ್ ನ ಖ್ಯಾತ ನಟ. ಸರಳತೆಗೆ ಇನ್ನೊಂದು ಹೆಸರೇ ಪವನ್ ಕಲ್ಯಾಣ್ ಎಂದು ಅಭಿಮಾನಿಗಳು ಹೇಳುತ್ತಾರೆ. ಆದರೆ ಅವರ ವಿರೋಧಿಗಳು ಇದೀಗ ಅವರು ಧರಿಸಿದ ದುಬಾರಿ ವಾಚ್ ಬಗ್ಗೆ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಹೌದು. ನಟ ಪವನ್ ಕಲ್ಯಾಣ್ ರೋಲೆಕ್ಸ್ ವಾಚ್ ಧರಿಸಿದ ಫೋಟೊ ಪ್ರಸ್ತುತ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ವಕೀಲ ಸಾಬ್ ಚಿತ್ರದ ಶೂಟಿಂಗ್ ಗ್ಯಾಪ್ ನಲ್ಲಿ ಪೇಪರ್ ನಲ್ಲಿ ಏನನ್ನೋ ಓದುತ್ತಿರುವ ಪವನ್ ಅವರ ಕೈಯಲ್ಲಿ ಈ ವಾಚ್ ಇದೆ. ಈ ಫೋಟೊವನ್ನು ಹಂಚಿಕೊಂಡ ಸರಳತೆಯ ವ್ಯಕ್ತಿ 40 ಲಕ್ಷರೂ ಮೌಲ್ಯದ ವಾಚ್ ನ್ನು ಬಳಸಬಹುದೇ ಎಂದು ವಿರೋಧಿಗಳು ಪ್ರಶ್ನಿಸಿದ್ದಾರೆ.

ಇದಕ್ಕೆ ಪ್ರತಿಕ್ರಿಯಿಸಿದ ಅವರ ಅಭಿಮಾನಿಗಳು, ಚಿತ್ರದ ಶೂಟಿಂಗ್ ಗಾಗಿ ಅವರು ವೇಷಭೂಷಣವನ್ನು ಧರಿಸಿದ್ದಾರೆ. ಆದ್ದರಿಂದ ಚಿತ್ರದ ಪಾತ್ರಕ್ಕಾಗಿ ಅವರು ಈ ವಾಚ್ ನ್ನು ಬಳಸಿರಬಹುದು. ಅವರಿಗೆ ಈ ವಾಚ್ ಬಗ್ಗೆ ಆಸಕ್ತಿ ಇಲ್ಲ ಎಂದು ತಿಳಿಸಿದ್ದಾರೆ.