ಹೈದರಾಬಾದ್ : ಒಂದೆಡೆ ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದ ಸಮಯದಲ್ಲಿ ನಟ ಸೋನು ಸೂದ್ ಅವರು ಜನರ ರಕ್ಷಣೆಗಾಗಿ ಓಡಾಡುತ್ತಿದ್ದರೆ, ಇನ್ನೊಂದೆಡೆ ನಟಿ ಕಂಗನಾ ಅವರು ಸೋನು ಸೂದ್ ಅವರ ಮೇಲೆ ಆರೋಪ ಮಾಡುತ್ತಿರುವ ವ್ಯಕ್ತಿಗೆ ಬೆಂಬಲ ನೀಡುತ್ತಿದ್ದಾರೆ ಎನ್ನಲಾಗಿದೆ.
ಹೌದು. ಟ್ವೀಟರ್ ನಲ್ಲಿ ವ್ಯಕ್ತಿಯೊಬ್ಬ ಸೋನು ಸೂದ್ ಅವರು ಕೊರೊನಾ ವೈರಸ್ ಸಾಂಕ್ರಾಮಿಕ ರೋಗದ ನಡುವೆ ಹಣ ಸಂಪಾದಿಸಲು ಯೋಜಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾನೆ. ಅಷ್ಟೆ ಅಲ್ಲದೇ ನಟ ಸೋನು ಸೂದ್ ಇರುವ ಲಕ್ಷಾಂತರ ಮೌಲ್ಯದ ಆಮ್ಲಜನಕ ಸಾಂದ್ರತೆಯ ಯಂತ್ರಗಳ ಮುದ್ರಣ ಜಾಹೀರಾತಿನ ಫೋಟೋವನ್ನು ಪೋಸ್ಟ್ ಮಾಡಿ “ಹಣ ಸಂಪಾದಿಸಲು ಬಿಕ್ಕಟ್ಟನ್ನು ಬಳಸಿಕೊಂಡು ಇಂತಹ ವಂಚನೆ “ ಎಂದು ಬರೆದಿದ್ದಾನೆ.
ಈ ಟ್ವೀಟ್ ಗೆ ನಟಿ ಕಂಗನಾ ರನೌತ್ ಅವರು ಲೈಕ್ ನೀಡಿದ್ದಾರೆ. ಆದರೆ ಹಲವರು ಸೋನು ಸೂದ್ ಅವರನ್ನು ಕರೆದು ಇಂತಹ ಕೆಲಸ ಮಾಡಿದ್ದಾರೆ ಎಂದರೆ, ಇನ್ನು ಕೆಲವರು ಸೋನು ಸೂದ್ ಅವರನ್ನು ಬ್ರಾಂಡ್ ಅಂಬಾಸಿಡರ್ ಮಾಡುವ ಮೂಲಕ ಬ್ರಾಂಡ್ ಈ ಪೋಟೊವನ್ನು ದುರುಪಯೋಗಪಡಿಸಿಕೊಂಡಿರಬಹುದು ಎನ್ನುತ್ತಿದ್ದಾರೆ.
