ಮುಂಬೈ: ಲವ್ ಆ್ಯಕ್ಷನ್ ಡ್ರಾಮಾ ಸಿನಿಮಾದಲ್ಲಿ ಕಮಾಲ್ ಮಾಡಿದ್ದ ನಯನತಾರಾ ಮತ್ತು ನಿವಿನ್ ಪೌಲ್ ಮತ್ತು ಲೇಡಿ ಸೂಪರ್‌ ಸ್ಟಾರ್ ನಯನತಾರಾ 5 ವರ್ಷದ ನಂತರ ಮತ್ತೇ ಒಟ್ಟಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ.
'ಡಿಯರ್ ಸ್ಟೂಡೆಂಟ್ಸ್' ಚಿತ್ರದಲ್ಲಿ ಈ ಜೋಡಿ ಮತ್ತೇ ಪ್ರೇಕ್ಷರನ್ನು ರಂಜಿಸಲು ಬರುತ್ತಿದೆ. ನಯನತಾರಾ ಚಿತ್ರದಲ್ಲಿ ಅಭಿನಯಿಸುತ್ತಿರುವ ಬಗ್ಗೆ ಚಿತ್ರತಂಡ ಭಾನುವಾರ ಹೇಳಿಕೊಂಡಿದೆ.
ಈ ಚಿತ್ರವನ್ನು ಸಂದೀಪ್ ಕುಮಾರ್ ಮತ್ತು ಜಾರ್ಜ್ ಫಿಲಿಪ್ ನಿರ್ದೇಶನ ಮಾಡುತ್ತಿದ್ದು ಜೂನಿಯರ್ ಪಿಕ್ಚರ್ಸ್ ಮತ್ತು ರೌಡಿ ಪಿಕ್ಚರ್ಸ್ ಬ್ಯಾನರ್‌ ಅಡಿಯಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ.
ನಿವಿನ್ ಮತ್ತು ನಯನತಾರಾ ಈ ಹಿಂದೆ ಧ್ಯಾನ್ ಶ್ರೀನಿವಾಸನ್ ನಿರ್ದೇಶನದ 2019 ರ ರೊಮ್ಯಾಂಟಿಕ್ ಕಾಮಿಡಿ ಲವ್ ಆಕ್ಷನ್ ಡ್ರಾಮಾದಲ್ಲಿ ಮೋಡಿ ಮಾಡಿದ್ದರು. ಈ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಕಲೆಕ್ಷನ್ ಮಾಡಿತ್ತು.
ನಯನತಾರಾ ಕೊನೆಯದಾಗಿ ಮಲಯಾಳಂ ಸಿನಿಮಾದಲ್ಲಿ 2022 ರ ಗೋಲ್ಡ್ ಚಿತ್ರದಲ್ಲಿ ಕಾಣಿಸಿಕೊಂಡರು, ಅಲ್ಲಿ ಅವರು ಪೃಥ್ವಿರಾಜ್ ಸುಕುಮಾರನ್ ಅವರೊಂದಿಗೆ ನಟಿಸಿದರು. ಅವರು ಕಳೆದ ವರ್ಷ ಶಾರುಖ್ ಖಾನ್ ಅವರೊಂದಿಗೆ ಜವಾನ್ ನಲ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ತಮಿಳು ಚಲನಚಿತ್ರಗಳಾದ ಇರೈವನ್ ಮತ್ತು ಅನ್ನಪೂರಣಿ: ದಿ ಗಾಡೆಸ್ ಆಫ್ ಫುಡ್‌ನಲ್ಲಿಯೂ ಕಾಣಿಸಿಕೊಂಡಿದ್ದಾರೆ.
ಆದಾಗ್ಯೂ, ಅವರ ತಮಿಳು ಚಲನಚಿತ್ರಗಳಲ್ಲಿ ಒಂದಾದ ಅನ್ನಪೂರಣಿ: ದಿ ಗಾಡೆಸ್ ಆಫ್ ಫುಡ್ ವಿವಾದವನ್ನು ಎದುರಿಸಿತು ಮತ್ತು ವಿವಿಧ ಹಿಂದೂ ಗುಂಪುಗಳಿಂದ ದೂರುಗಳ ನಂತರ OTT ಪ್ಲಾಟ್‌ಫಾರ್ಮ್ ನೆಟ್‌ಫ್ಲಿಕ್ಸ್‌ನಿಂದ ತೆಗೆದುಹಾಕಲಾಯಿತು.
