ಅವನೇ ಶ್ರೀಮನ್ನಾರಾಯಣನಿಗೆ ಯು/ಎ ಸರ್ಟಿಫಿಕೇಟ್: ರಕ್ಷಿತ್ ಶೆಟ್ಟಿ ಕೊಟ್ರು ಸಣ್ಣ ಟ್ವಿಸ್ಟ್!

ಬೆಂಗಳೂರು: ಅವನೇ ಶ್ರೀಮನ್ನಾರಾಯಣ ಸಿನಿಮಾ ಇನ್ನೇನು ಬಿಡುಗಡೆಗೆ ಸಿದ್ಧವಾಗಿದ್ದು, ಸೆನ್ಸಾರ್ ಮಂಡಳಿಯಿಂದ ಯು/ಎ ಸರ್ಟಿಫಿಕೇಟ್ ಪಡೆದುಕೊಂಡಿದೆ.

ಈ ವಿಚಾರವನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ರಕ್ಷಿತ್ ಶೆಟ್ಟಿ ಇದಕ್ಕೆ ತಮ್ಮದೇ ಶೈಲಿಯಲ್ಲಿ ಸಣ್ಣದೊಂದು ಟ್ವಿಸ್ಟ್ ಕೂಡಾ ಕೊಟ್ಟಿದ್ದಾರೆ.

ಸಾಮಾನ್ಯವಾಗಿ ಯು/ಎ ಸರ್ಟಿಫಿಕೇಟ್ ಎಂದರೆ ಪೋಷಕರ ಜತೆ ಮಕ್ಕಳೂ ಚಿತ್ರ ವೀಕ್ಷಿಸಬಹುದು ಎಂದು ಅರ್ಥವಾಗಿದೆ. ಆದರೆ ಇದಕ್ಕೆ ಟ್ವಿಸ್ಟ್ ಕೊಟ್ಟಿರುವ ರಕ್ಷಿತ್ ಈ ಚಿತ್ರವನ್ನು ಮಕ್ಕಳ ಗೈಡೆನ್ಸ್ ನಲ್ಲಿ ಅಪ್ಪ-ಅಮ್ಮಂದಿರೂ ವೀಕ್ಷಿಸಬಹುದು ಎಂದು ತಮಾಷೆಯಾಗಿ ಬರೆದುಕೊಂಡಿದ್ದಾರೆ.