BBK11: ಬಿಗ್ ಬಾಸ್ ನ್ನೇ ಎಕ್ಸ್ ಪೋಸ್ ಮಾಡ್ತೀನಿ ಎಂದು ಬೆದರಿಕೆ ಹಾಕಿದ ಲಾಯರ್ ಜಗದೀಶ್ (Video)

Photo Credit: X

ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ ಲಾಯರ್ ಜಗದೀಶ್ ಯಾಕೋ ಸಹ ಸ್ಪರ್ಧಿಗಳಿಗೆ ಮಾತ್ರವಲ್ಲ, ಸ್ವತಃ ಬಿಗ್ ಬಾಸ್ ಗೇ ತಲೆನೋವಾಗುವ ಲಕ್ಷಣ ಕಾಣುತ್ತಿದೆ. ನಿನ್ನೆಯ ಎಪಿಸೋಡ್ ಫುಲ್ ಸ್ಪರ್ಧಿಗಳ ಜೊತೆ ಕಿತ್ತಾಡಿದ್ದ ಜಗದೀಶ್ ಈಗ ಬಿಗ್ ಬಾಸ್ ಗೇ ಬೆದರಿಕೆ ಹಾಕಿದ್ದಾರೆ.

ನಿನ್ನೆಯ ಟಾಸ್ಕ್ ನಲ್ಲಿ ಧನರಾಜ್ ಆಚಾರ್ ರನ್ನು ಕಾಮಿಡಿ ಪೀಸ್ ಎಂದಿದ್ದ ಜಗದೀಶ್ ಬಳಿಕ ಅವರ ದೇಹ ಗಾತ್ರದ ಬಗ್ಗೆಯೂ ತಮಾಷೆ ಮಾಡಿದ್ದರು. ಬಿಗ್ ಬಾಸ್ ನಿಯಮಗಳನ್ನು ಮುರಿದು ಊಟವನ್ನೂ ಕಳೆದುಕೊಂಡ ಬಳಿಕ ಮನೆಯವರೆಲ್ಲರೂ ಅವರ ಮೇಲೆ ಬೇಸರಗೊಂಡಿದ್ದಾರೆ.

ಇದೇ ಬೇಸರದಲ್ಲಿ ಮನೆಯ ಎಲ್ಲಾ ಸದಸ್ಯರೊಡನೆ ಕಿತ್ತಾಟವಾಡಿದ್ದಾರೆ. ಧನರಾಜ್ ಆಚಾರ್ ಬಳಿಕ ಮಾನಸಾಗೂ ಆಕ್ಷೇಪಾರ್ಹವಾಗಿ ಮಾತನಾಡಿದ್ದ ಜಗದೀಶ್ ಯಾವ ಸೀಮೆ ಹೆಂಗ್ಸು ಎಂದಿದ್ದು ಮನೆಯ ಇತರೆ ಸದಸ್ಯರೂ ಕೆರಳುವಂತೆ ಮಾಡಿತು. ಈ ವೇಳೆ ಎಲ್ಲಾ ಸದಸ್ಯರೂ ಅವರ ಮೇಲೆ ಮುಗಿಬಿದ್ದರು.

ಇಂದಿನ ಎಪಿಸೋಡ್ ನಲ್ಲಿ ಜಗದೀಶ್ ಬಿಗ್ ಬಾಸ್ ಗೇ ಧಮ್ಕಿ ಹಾಕಿದ್ದಾರೆ. ನನ್ನನ್ನು ಆಚೆ ಕಳುಹಿಸಿ ನೋಡೋಣ, ನಿಮ್ಮ ಎಲ್ಲಾ ಸೀಕ್ರೆಟ್ ಎಕ್ಸ್ ಪೋಸ್ ಮಾಡ್ತೀನಿ, ನಾನು ಮನಸ್ಸು ಮಾಡಿದ್ರೆ ಈ ಕ್ಷಣ ಇಲ್ಲಿಗೆ ಹೆಲಿಕಾಪ್ಟರ್ ತರಿಸಬಹುದು, ಮನೆಯ ಈ ಬಾಗಿಲು ಒಡೆದು ಹಾಕಬಹುದು ಎಂದೆಲ್ಲಾ ಕ್ಯಾಮರಾ ಮುಂದೆ ನಿಂತು ಆವಾಜ್ ಹಾಕಿದ್ದಾರೆ. ಜಗದೀಶ್ ಕಿರಿಕ್ ಗಳನ್ನು ನೋಡಿ ನೆಟ್ಟಿಗರು ಈ ವಾರ ಖಂಡಿತಾ ಕಿಚ್ಚ ಸುದೀಪ್ ರಿಂದ ಇವರಿಗಿದೆ ಹಬ್ಬ ಎಂದಿದ್ದಾರೆ.

Lawayer Jagadish Going to Expose #Biggboss ????#BBK11 #BiggBossKannada #Kannada pic.twitter.com/EBQrG27i5R

— Filmy Corner ꭗ (@filmycorner9) October 3, 2024