ಧ್ರುವ ಸರ್ಜಾ ಮಾಡಿದ ಕೆಲಸದಿಂದ ರಶ್ಮಿಕಾ ಮಂದಣ್ಣ ಕಿವಿಯಲ್ಲಿ ರಕ್ತ ಸೋರಿತ್ತು!
ಸೋಮವಾರ, 1 ಫೆಬ್ರವರಿ 2021 (10:18 IST)
ಬೆಂಗಳೂರು: ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಮತ್ತು ರಶ್ಮಿಕಾ ಮಂದಣ್ಣ ಅಭಿನಯದ ಪೊಗರು ಸಿನಿಮಾ ಫೆಬ್ರವರಿ 19 ಕ್ಕೆ ಬಿಡುಗಡೆಯಾಗಲಿದೆ. ಈ ಸಿನಿಮಾದ ಒಂದು ಘಟನೆ ಬಗ್ಗೆ ಧ್ರುವ ಸರ್ಜಾ ಖಾಸಗಿ ಮಾಧ್ಯಮವೊಂದರ ಸಂದರ್ಶನದಲ್ಲಿ ಬಿಚ್ಚಿಟ್ಟಿದ್ದಾರೆ.
ಈ ಸಿನಿಮಾದ ದೃಶ್ಯವೊಂದರಲ್ಲಿ ಧ್ರುವ, ನಾಯಕಿ ರಶ್ಮಿಕಾರ ಕೂದಲು ಎಳೆಯುವ ದೃಶ್ಯವಿದೆ. ಅದನ್ನು ಚಿತ್ರೀಕರಣ ಮಾಡುವಾಗ ರಶ್ಮಿಕಾ ಕಿವಿಯಲ್ಲಿ ನಿಜವಾಗಿಯೂ ರಕ್ತ ಸೋರಿತ್ತಂತೆ. ಶಾಟ್ ಮುಗಿದ ಮೇಲೆ ರಶ್ಮಿಕಾ ಏನನ್ನೋ ಹುಡುಕುತ್ತಿದ್ದರು. ಏನಾಯ್ತು ಎಂದು ಕೇಳಿದಾಗ ಕಿವಿ ಓಲೆ ಬಿದ್ದು ಹೋಗಿದೆ ಎಂದಿದ್ದರು. ಹಾಗಾಗಿ ನಾನೂ ಅವರ ಜೊತೆ ಹುಡುಕುತ್ತಿದ್ದೆ. ಆಗ ಅವರ ಕಿವಿಯಲ್ಲಿ ರಕ್ತ ಸೋರುತ್ತಿದ್ದುದು ಕಂಡುಬಂತು. ಅದನ್ನು ನೋಡಿ ನನಗೆ ಗಾಬರಿಯಾಯಿತು. ಆದರೂ ಅವರು ಈ ಶಾಟ್ ಇನ್ನೊಮ್ಮೆ ಮಾಡೋಣವಾ ಎಂದು ಕೇಳಿದರು. ಆದರೆ ನಾನೇ ಬೇಡ ಎಂದೆ ಎಂದು ಧ್ರುವ ಸರ್ಜಾ ಹೇಳಿದ್ದಾರೆ.
