ಚೆನ್ನೈ : ಕಾಲಿವುಡ್ ನ ಖ್ಯಾತ ನಟ ರಜನೀಕಾಂತ್ ಮಾಸ್ಕ್ ಧರಿಸಿ ತಮ್ಮ ಐಷಾರಾಮಿ ಕಾರ್ ನಲ್ಲಿ ಡ್ರೈವ್ ಮಾಡುತ್ತಿದ್ದ ಫೋಟೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಆದರೆ ರಜನೀಕಾಂತ್ ಇ-ಪಾಸ್ ಪಡೆದಿದ್ದಾರೆಯೇ? ಎಂದು ಕೆಲವು ನೆಟ್ಟಿಗರು ಪ್ರಶ್ನಿಸಿದ್ದಾರೆ.
ಲಾಕ್ ಡೌನ್ ಹಿನ್ನಲೆಯಲ್ಲಿ ತಮಿಳುನಾಡಿನ ವಿವಿಧ ಸ್ಥಳಗಳಲ್ಲಿ ಈಗಲೂ ಇ-ಪಾಸ್ ಬಳಕೆ ಕಡ್ಡಾಯವಾಗಿದೆ. ಆದರೆ ರಜನೀಕಾಂತ್ ಮಗಳು , ಅಳಿಯ, ಮೊಮ್ಮಗನ ಜೊತೆ ಕೆಳಂಬಕ್ಕಮ್ ಫಾರ್ಮ್ ಹೌಸ್ ಗೆ ಕಾರ್ ನಲ್ಲಿ ತೆರಳಿದ್ದರು. ಹಾಗೇ ಅಲ್ಲಿ ವಾಯುವಿಹಾರ ಮಾಡುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಇದಕ್ಕೆ ನೆಟ್ಟಿಗರು ರಜನೀಕಾಂತ್ ಇ-ಪಾಸ್ ಪಡೆದಿದ್ದಾರೆಯೇ ಎಂಬ ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ತನಿಖೆ ನಡೆಸಿ ಮಾಹಿತಿ ನೀಡುವುದಾಗಿ ಚೆನ್ನೈ ನ ಪಾಲಿಕೆ ಆಯುಕ್ತರು ತಿಳಿಸಿದ್ದಾರೆ.
