ಬೆಂಗಳೂರು: ನಟ ದಿಗಂತ್ ಇದೀಗ ವಿಶಿಷ್ಟ ಟೈಟಲ್ ನ ಸಿನಿಮಾವೊಂದನ್ನು ಒಪ್ಪಿಕೊಂಡಿದ್ದಾರೆ. ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಎಂದು ಟೈಟಲ್ ಅನೌನ್ಸ್ ಆಗಿದೆ.
ವಿಶೇಷವೆಂದರೆ ಈ ಸಿನಿಮಾದಲ್ಲಿ ಎಡಚರ ಸಮಸ್ಯೆಗಳ ಬಗ್ಗೆ ಹೇಳಲಾಗಿದೆಯಂತೆ. ಎಡಕೈ ಬಳಸುವುದು ಕೆಲವರು ಶುಭ ಎಂದು ನಂಬಿದರೆ ಮತ್ತೆ ಕೆಲವರು ಅಶುಭ ಎನ್ನುತ್ತಾರೆ. ಅಂತೂ ಈ ಎಡಕೈಯಿಂದಾಗುವ ಅನಾಹುತಗಳ ಬಗ್ಗೆ ಹೇಳುವ ಕತೆಯೇ ‘ಎಡಗೈಯೇ ಅಪಘಾತಕ್ಕೆ ಕಾರಣ’ ಸಿನಿಮಾ.
ಸಮರ್ಥ್ ಕಡ್ಕೋಲ್ ಈ ಸಿನಿಮಾದ ಸೂತ್ರಧಾರ. ಇದೊಂದು ಥ್ರಿಲ್ಲರ್ ಮತ್ತು ಪಕ್ಕಾ ಕಾಮಿಡಿ ಸಿನಿಮಾವಾಗಲಿದೆಯಂತೆ. ದಿಗಂತ್ ಪಾಲಿಗೆ ಇದೊಂದು ವಿಶಿಷ್ಟ ಪಾತ್ರವಾಗಲಿದೆ ಎನ್ನುವುದು ಚಿತ್ರತಂಡದ ನಂಬಿಕೆ.
