ಈ ವರ್ಷ ಗೂಗಲ್ ನಲ್ಲಿ ನೆಟಿಜನ್ ಹೆಚ್ಚು ಹುಡುಕಾಡಿದ ದಕ್ಷಿಣ ಭಾರತ ಚಿತ್ರರಂಗದ ಖ್ಯಾತ ನಟ ಯಾರು ಗೊತ್ತಾ?

ಹೈದರಾಬಾದ್ : ಅತಿ ಹೆಚ್ಚು ಸುದ್ದಿಯಲ್ಲಿರುವ , ಹೆಚ್ಚು ಪ್ರಸಿದ್ಧರಾದ ನಟನನ್ನು ಗೂಗಲ್ ನಲ್ಲಿ ಜನರು ಸರ್ಚ್  ಮಾಡುತ್ತಾರೆ. ಅದರಂತೆ ಗೂಗಲ್ ಪ್ರತಿವರ್ಷ ಅತಿ ಹೆಚ್ಚು ಹುಡುಕಲಾದ ಟಾಪ್ 10 ನಟರ ಪಟ್ಟಿಯನ್ನು ತಯಾರಿಸಿ ಬಿಡುಗಡೆ ಮಾಡುತ್ತದೆ.

ಅದರಂತೆ ಈ ಬಾರಿ ಗೂಗಲ್ ಸಮೀಕ್ಷೆಯಂತೆ ಈ ವರ್ಷ ದುರಂತವಾಗಿ ಸಾವಿಗೀಡಾದ ಸುಶಾಂತ್ ಸಿಂಗ್ ರಜಪೂತ್ ಅವರನ್ನು ಗೂಗಲ್ ನಲ್ಲಿ ಹೆಚ್ಚು ಹುಡುಕಲಾಗಿದೆ. ಅವರ ಬಳಿಕ ನಟ ಅಮಿತಾಬ್ ಬಚ್ಚನ್ 2ನೇ ಸ್ಥಾನದಲ್ಲಿದ್ದರೆ, ಅಕ್ಷಯ್ ಕುಮಾರ 3ನೇ ಸ್ಥಾನದಲ್ಲಿದ್ದಾರೆ. ಸಲ್ಮಾನ್ ಖಾನ್ 4ನೇ ಸ್ಥಾನದಲ್ಲಿದ್ದರೆ, ಇರ್ಫಾನ್ ಖಾನ್ 5ನೇ ಸ್ಥಾನದಲ್ಲಿದ್ದಾರೆ. ದಿ. ಎಸ್ ಪಿ ಬಾಲಸುಬ್ರಹ್ಮಣ್ಯಂ 7ನೇ ಸ್ಥಾನದಲ್ಲಿದ್ದರೆ, ಸೋನು ಸೂದ್ 9ನೇ ಸ್ಥಾನದಲ್ಲಿದ್ದಾರೆ.

10ನೇ ಸ್ಥಾನದಲ್ಲಿ ದಕ್ಷಿಣ ಭಾರತದ ಖ್ಯಾತ ನಟ ಅಲ್ಲು ಅರ್ಜುನ್ ಅವರು ಇದ್ದಾರೆ. ಆ ಮೂಲಕ ಅಲ್ಲು ಅರ್ಜುನ್ ಈ ವರ್ಷ ನೆಟಿಜನ್ ಹೆಚ್ಚು ಹುಡುಕಾಡಿದ ದಕ್ಷಿಣ ಭಾರತ ಚಿತ್ರರಂಗದ ಪುರುಷ ತಾರೆಯಾಗಿ ಹೊರಹೊಮ್ಮಿದ್ದಾರೆ.