ಅನಿಲ್ ಕಪೂರ್, ಜೂಹಿ ಚಾವ್ಲಾ, ಸೋನಮ್ ಕಪೂರ್ ಮತ್ತು ರಾಜ್‌ಕುಮಾರ್ ರಾವ್ 'ಏಕ್ ಲಡ್ಕಿ ಕೋ ದೇಖಾ ತೊ ಐಸಾ ಲಗಾ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದು, ಜೂಹಿ ಚಾವ್ಲಾ ಇವರೊಂದಿಗಿರುವ ಚಿತ್ರವೊಂದನ್ನು ತಮ್ಮ ಇನ್ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಂಡಿದ್ದಾರೆ.
"ಹೀಗೆ ಮುಂದುವರಿಯೋಣ... #EkLadkiKoDekhaTohAisaLaga ಕುಟುಂಬದೊಂದಿಗೆ ಮೊದಲ ಫೋಟೋ @anilskapoor , @rajkummar_rao , @sonamkapoor & #ShellyChopraDhar! #VidhuVinodChopra #RajKumarHiraniFilms @foxstarhindi.” ಎಂದು ಬರೆದು ಫೋಟೋವೊಂದನ್ನು ಜೂಹಿ ಚಾವ್ಲಾ ತಮ್ಮ ಇನ್ಸ್ಟಾಗ್ರಾಮ್ ಪುಟದಲ್ಲಿ ಹಂಚಿಕೊಂಡಿದ್ದಾರೆ.
ಈ ಚಿತ್ರವು ಬರೋಬ್ಬರಿ 11 ವರ್ಷಗಳ ನಂತರ ಅನಿಲ್ ಕಪೂರ್ ಮತ್ತು ಜೂಹಿ ಚಾವ್ಲಾ ಅವರನ್ನು ಒಟ್ಟಿಗೆ ತೆರೆಯಮೇಲೆ ತರಲಿದೆ. ಇವರಿಬ್ಬರೂ ಕೊನೆಯ ಬಾರಿ 'ಸಲಾಮ್-ಏ-ಇಷ್ಕ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. 1994 ರಲ್ಲಿ ಅನಿಲ್ ಕಪೂರ್ ಮತ್ತು ಮನಿಶಾ ಕೊರಾಯಿಲಾ ಅಭಿನಯಿಸಿದ ಚಿತ್ರ '1942: ಎ ಲವ್ ಸ್ಟೋರಿ' ಚಿತ್ರದ ಪುನರ್ ನಿರ್ಮಾಣದ ಆವೃತ್ತಿ ಇದಾಗಿರಲಿದೆ. ಈ ಚಿತ್ರದಲ್ಲಿನ ಏಕ್ ಲಡಕಿ ಕೋ ದೇಖಾ ತೊ ಐಸಾ ಲಗಾ ಹಾಡು ಬಹಳ ಜನಪ್ರಿಯತೆಯನ್ನು ಪಡೆದಿತ್ತು. ಹಾಗಾಗಿ ಅದರಿಂದ ಪ್ರೇರಿತವಾಗಿ ಈಗ ಚಿತ್ರದ ಹೆಸರನ್ನೇ 'ಏಕ್ ಲಡಕಿ ಕೋ ದೇಖಾ ತೊ' ಐಸಾ ಲಗಾ ಎನ್ನುವ ಹೆಸರನ್ನಿಟ್ಟಿದ್ದಾರೆ ಎನ್ನಲಾಗುತ್ತಿದೆ.
"ನಾವು ಮೂಲ ಚಿತ್ರವನ್ನು ಮರುಸೃಷ್ಟಿಸುತ್ತಿದ್ದೇವೆ ಮತ್ತು ನಾವು ಅದನ್ನು ನಕಲಿಸಲು ಬಯಸುತ್ತೇವೆ. ಮೂಲ ಚಿತ್ರವನ್ನು ಸೋಲಿಸುವುದು ಕಷ್ಟವಾಗಿರುವುದರಿಂದ ನಾವು ಅದಕ್ಕೆ ಸಮಾನವಾದರೂ ಅದೇ ನಮಗೆ ಸಂತೋಷ. ಅದೇನೇ ಇದ್ದರೂ, ಈ ಚಿತ್ರದಲ್ಲಿ ಹಾಡಿನ ಹೊಸ ಆವೃತ್ತಿಯನ್ನು ಯಾರು ಹಾಡುತ್ತಾರೆ ಮತ್ತು ಚಿತ್ರದಲ್ಲಿ ಯಾರಿಗೆ ಹಾಡುತ್ತಾರೆ ಎನ್ನುವುದನ್ನು ಕಾದು ನೋಡಬೇಕಿದೆ" ಎಂದು ಚಿತ್ರದ ನಿರ್ದೇಶಕ ಶೆಲ್ಲಿ ಚೋಪ್ರಾ ಮಾಧ್ಯಮಕ್ಕೆ ಹೇಳಿದ್ದಾರೆ.
