ಬೆಂಗಳೂರು: ಬಿಗ್ ಬಾಸ್ ಕನ್ನಡ ಈ ಬಾರಿಯಿಂದ ನಿರೂಪಣೆ ಮಾಡಲ್ಲ ಎಂದಿದ್ದ ಕಿಚ್ಚ ಸುದೀಪ್ ಅನಿವಾರ್ಯವಾಗಿ ಮತ್ತೆ ಬರಲು ಒಪ್ಪಿಕೊಂಡಿದ್ದಾರೆ. ಇದರಿಂದ ಅಭಿಮಾನಿಗಳಂತೂ ಫುಲ್ ಖುಷ್ ಆಗಿದ್ದಾರೆ.
ಬಿಗ್ ಬಾಸ್ ಕನ್ನಡ ಸೀಸನ್ 1 ರಿಂದ 11 ರವರೆಗೂ ಸುದೀಪ್ ಅವರೇ ನಿರೂಪಣೆ ಮಾಡಿದ್ದು. ಯಾವ ಭಾಷೆಯಲ್ಲೂ ಇಷ್ಟು ಸುದೀರ್ಘವಾಗಿ ಯಾವ ನಿರೂಪಕರೂ ನಿರೂಪಣೆ ಮಾಡಿಲ್ಲ. ಆದರೆ ಕನ್ನಡದಲ್ಲಿ ಬಿಗ್ ಬಾಸ್ ಎಂದರೆ ಸುದೀಪ್ ಎನ್ನುವ ಮಟ್ಟಿಗೆ ಜನ ಫಿಕ್ಸ್ ಆಗಿದ್ದಾರೆ. ಅವರ ಸ್ಥಾನದಲ್ಲಿ ಮತ್ತೊಬ್ಬರು ನಿರೂಪಕರನ್ನು ಊಹಿಸಲೂ ಜನ ಸಿದ್ಧವಿಲ್ಲ.
ಹೀಗಾಗಿ ಚಾನೆಲ್ ಒತ್ತಾ ಯಮಾಡಿ ಕಿಚ್ಚ ಸುದೀಪ್ ರನ್ನು ಕರೆಸಿಕೊಂಡಿದೆ. ಹೀಗಾಗಿ ಈ ಬಾರಿಯೂ ಸುದೀಪ್ ಶೋ ಹೋಸ್ಟ್ ಮಾಡಲಿದ್ದಾರೆ. ಇದರಿಂದ ಅಭಿಮಾನಿಗಳೂ ಖುಷಿಯಾಗಿದ್ದು ನಮಗೆ ಇನ್ನೇನು ಬೇಡ. ಕಿಚ್ಚ ಬರ್ತಿದ್ದಾರಲ್ವಾ ಅಷ್ಟೇ ಸಾಕು ಎಂದಿದ್ದಾರೆ.
ಇಂದು ಬಿಗ್ ಬಾಸ್ ಕನ್ನಡ ಸೀಸನ್ 12 ರನ್ನು ಆರಂಭಿಸುವ ಬಗ್ಗೆ ಕಲರ್ಸ್ ಕನ್ನಡ ವಾಹಿನಿ ಪತ್ರಿಕಾಗೋಷ್ಠಿ ನಡೆಸಿದ್ದು ಕಲರ್ಸ್ ಟೀಂ ಜೊತೆ ಸುದೀಪ್ ಕೂಡಾ ಬಂದಿದ್ದರು. ಕಿಚ್ಚ ಇಲ್ಲದೇ ಬಿಗ್ ಬಾಸ್ ಇಲ್ಲ ಎಂದು ಈ ವೇಳೆ ಕಲರ್ಸ್ ವಾಹಿನಿ ಘೋಷಿಸಿದೆ.
