ಮದುವೆ ಆನಿವರ್ಸರಿಗೆ ಗೋಲ್ಡನ್ ಸ್ಟಾರ್ ಗಣೇಶ್ ಗೆ ಭರ್ಜರಿ ಗಿಫ್ಟ್ ಕೊಟ್ಟವರಾರು ಗೊತ್ತಾ?!
ಸೋಮವಾರ, 12 ಫೆಬ್ರವರಿ 2018 (09:42 IST)
ಬೆಂಗಳೂರು: ಗೋಲ್ಡನ್ ಸ್ಟಾರ್ ಗಣೇಶ್ ದಂಪತಿಗೆ ನಿನ್ನೆ ಸ್ಪೆಷಲ್ ದಿನ. ಇಬ್ಬರೂ ವೈವಾಹಿಕ ಜೀವನಕ್ಕೆ ಕಾಲಿಟ್ಟು ನಿನ್ನೆಗೆ 10 ವರ್ಷ. ತಮ್ಮ 10 ನೇ ವರ್ಷದ ಮದುವೆ ವಾರ್ಷಿಕೋತ್ಸವಕ್ಕೆ ಗಣೇಶ್ ಗೆ ಭರ್ಜರಿ ಗಿಪ್ಟ್ ಸಿಕ್ಕಿದೆ. ಅದನ್ನು ಕೊಟ್ಟವರು ಯಾರು ಗೊತ್ತಾ?
ಮಗಳು ಚಾರಿತ್ರ್ಯ ಕಡೆಯಿಂದ ಗಣೇಶ್ ಗೆ ಮರೆಯಲಾರದ ಉಡುಗೊರೆ ಸಿಕ್ಕಿದೆ. ತನ್ನ ಪ್ರೀತಿಯ ಅಪ್ಪ ಅಮ್ಮನಿಗೆ ತಾನೇ ಕೈಯಾರೆ ಗ್ರೀಟಿಂಗ್ ಮಾಡಿರುವ ಚಾರಿತ್ರ್ಯ ಅದರಲ್ಲಿ ಸುಂದರವಾಗಿ ತನ್ನದೇ ಕೈ ಬರಹದಲ್ಲಿ ಅಪ್ಪ –ಅಮ್ಮ ಎಂದರೆ ತನಗೆ ಯಾಕಿಷ್ಟ ಎಂದು ಬರೆದುಕೊಂಡಿದ್ದಾಳೆ. ಗಿಫ್ಟ್ ನೋಡಿ ಭಾವುಕರಾದ ಗಣೇಶ್ ತಮ್ಮ ಟ್ವಿಟರ್ ಪೇಜ್ ನಲ್ಲಿ ಪ್ರಕಟಿಸಿದ್ದಾರೆ.
ಅಷ್ಟೇ ಅಲ್ಲದೆ, ಇದೇ ದಿನ ಗಣೇಶ್ ಅಭಿನಯದ ‘ಆರೆಂಜ್’ ಸಿನಿಮಾ ಮುಹೂರ್ತವೂ ನೆರವೇರಿದೆ. ಈ ಸಂದರ್ಭದಲ್ಲಿ ಪಕ್ಕಾ ವೈಟ್ ಆಂಡ್ ವೈಟ್ ಪಂಚೆ, ಅಂಗಿಯಲ್ಲಿ ಮಿಂಚಿದ ಗಣೇಶ್ ಗೆ ಪತ್ನಿ ಶಿಲ್ಪಾ ಕೂಡಾ ಸಾಥ್ ನೀಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ
