ಜೈ ಭೀಮ್ ವಿವಾದ: ನಟ ಸೂರ್ಯ ಮನೆಗೆ ಭದ್ರತೆ

ಚೆನ್ನೈ: ಜೈ ಭೀಮ್ ಸಿನಿಮಾ ವಿವಾದಕ್ಕೆ ಸಂಬಂಧಿಸಿದಂತೆ ನಾಯಕ, ನಿರ್ಮಾಪಕ ಸೂರ್ಯ ಅವರ ಚೆನ್ನೈನ ಆರ್ ಟಿ ನಗರ ನಿವಾಸಕ್ಕೆ ಪೊಲೀಸರು ಬಿಗಿ ಭದ್ರತೆ ಒದಗಿಸಿದ್ದಾರೆ.

ಅಮೆಝೋನ್ ಪ್ರೈಮ್ ನಲ್ಲಿ ಬಿಡುಗಡೆಯಾದ ಜೈ ಭೀಮ್ ಸಿನಿಮಾದಲ್ಲಿ ವೆಣ್ಣಿಯಾರ್ ಸಮುದಾಯಕ್ಕೆ ಅವಮಾನ ಮಾಡಲಾಗಿದೆ ಎಂದು ವೆಣ್ಣಿಯಾರ್ ಸಂಘ ಆಕ್ರೋಶ ವ್ಯಕ್ತಪಡಿಸಿತ್ತು. ಅಲ್ಲದೆ, ಈ ಸಂಬಂಧ ಕಾನೂನು ಸಮರಕ್ಕೂ ಮುಂದಾಗಿದೆ.

ಇದರ ಬೆನ್ನಲ್ಲೇ ತಮಗೆ ಸಾಕಷ್ಟು ಬೆದರಿಕೆ ಕರೆ ಬರುತ್ತಿದೆ. ಭದ್ರತೆ ನೀಡಿ ಎಂದು ಸೂರ್ಯ ಪೊಲೀಸರಿಗೆ ಮನವಿ ಮಾಡಿದ್ದರು. ಈ ಹಿನ್ನಲೆಯಲ್ಲಿ ಅವರ ನಿವಾಸಕ್ಕೆ ಭದ್ರತೆ ಒದಗಿಸಲಾಗಿದೆ.