ಅತ್ತಿಗೆ ಸೀಮಂತದಲ್ಲೂ ನಟಿ ವೈಷ್ಣವಿ ಗೌಡಗೆ ಮತ್ತೇ ಅದೇ ಪ್ರಶ್ನೆ ಕೇಳಿದ ನೆಟ್ಟಿಗರು

Photo Courtesy X

ಬೆಂಗಳೂರು: ಅಗ್ನಿಸಾಕ್ಷಿ, ಬಿಗ್‌ಬಾಸ್ ಹಾಗೂ ಸೀತಾರಾಮ ಸೀರಿಯಲ್ ಮೂಲಕ ಜನಮನ್ನಣೆ ಗಳಿಸಿರುವ ನಟಿ ವೈಷ್ಣವಿ ಗೌಡ ಅವರ ಮನೆ ಸಂಭ್ರಮದಲ್ಲಿದೆ. ಹೌದು ವೈಷ್ಣವಿ ಅವರ ಅಣ್ಣ ಹಾಗೂ ಅತ್ತಿಗೆ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಸಾಮಾಜಿಕ ಜಾಲತಾಣ ಇನ್‌ಸ್ಟಾಗ್ರಾಂನಲ್ಲಿ ವೈಷ್ಣವಿ ಅವರು ಸೀಮಂತ ಶಾಸ್ತ್ರದ ಪೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಫೋಟೋದಲ್ಲಿ ವೈಷ್ಣವಿ ಅವರು ಸೀರೆಯಲ್ಲಿ ಮುದ್ದಾಗಿ ಫೋಟೋಗೆ ಪೋಸ್ ನೀಡಿದ್ದಾರೆ. ಅಣ್ಣ ಅತ್ತಿಗೆಯ ಫೋಟೋ ಹಂಚಿಕೊಂಡಿರುವ ಅವರು ಇನ್ನೂ ಕಾಯಲು ಸಾಧ್ಯವಿಲ್ಲ ಎಂದು ಬರೆದುಕೊಂಡಿದ್ದಾರೆ. ಪೋಟೋ ನೋಡಿದವರು ದಂಪತಿ ಶುಭಕೋರಿದ್ದಾರೆ, ಮತ್ತೇ ಕೆಲವರು ವೈಷ್ಣವಿ ನಿಮ್ಮದು ಯಾವಾಗ ಎಂದು ಕಾಲೆಳೆದಿದ್ದಾರೆ.

ಸದ್ಯ ವೈಷ್ಣವಿ ಅವರು ಜೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಸೀತಾರಾಮ ಸೀರಿಯಲ್‌ನಲ್ಲಿ ಸೀತಾ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇವರ ನೈಜ ಅಭಿನಯಕ್ಕೆ ಹಾಗೂ ಸಿಂಪಲ್‌ ಲುಕ್‌ಗೆ ಎಲ್ಲರೂ ಫಿದಾ ಆಗಿದ್ದು, ಈ ಸೀರಿಯಲ್ ಟಾಫ್‌ ರೇಟಿಂಗ್‌ನಲ್ಲಿ ಮುನ್ನುಗ್ಗುತ್ತಿದೆ.

ಅದಲ್ಲದೆ ಬೆಳ್ಳಿತೆರೆ ಮಿಂಚಲೂ ರೆಡಿಯಾಗಿರುವ ವೈಷ್ಣವಿ ಅವರು ಡೈರೆಕ್ಟರ್ ಮಹೇಶ್ ಗೌಡ ನಟನೆಯ 'ಬಿಳಿ ಚುಕ್ಕಿ ಹಳ್ಳಿ ಹಕ್ಕಿ' ಚಿತ್ರದಲ್ಲಿ ವೈಷ್ಣವಿ ಗೌಡ ನಾಯಕಿಯಾಗಿದ್ದಾರೆ.