ಜಾಗ್ವಾರ್ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಅಡಿಯಿಟ್ಟ ನಿಖಿಲ್ ಕುಮಾರ್ ಈಗ ಇನ್ನೊಂದು ಚಿತ್ರಕ್ಕೆ ಅಣಿಯಾಗುತ್ತಿದ್ದಾರೆ. ಈ ಸಲ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ನಿರ್ದೇಶನದ ಜವಾಬ್ದಾರಿ ಯಾರಿಗೆ ಒಪ್ಪಿಸಲಿದ್ದಾರೆ ಎಂಬ ಕುತೂಲಹಕ್ಕೆ ತೆರೆಬಿದ್ದಿದೆ.
ಮೂಲಗಳ ಪ್ರಕಾರ ಈ ಸಲ ನಿರ್ದೇಶಕರಾಗಿ ಬದಲಾಗಿರುವ ಛಾಯಾಗ್ರಾಹಕ ಕೃಷ್ಣ ಆಕ್ಷನ್ ಕಟ್ ಹೇಳಲಿದ್ದಾರಂತೆ. ಈಗಾಗಲೆ ಕಥೆ ಹೇಳಿದ್ದು, ಕುಮಾರಸ್ವಾಮಿ ಎಸ್ ಎಂದಿದ್ದಾರೆ ಎನ್ನುತ್ತಿದೆ ಗಾಂಧಿನಗರ ಪಡಸಾಲೆ.
ಸದ್ಯಕ್ಕೆ ಕೃಷ್ಣ ಅವರು ಸುದೀಪ್ ನಾಯಕತ್ವದ ಹೆಬ್ಬುಲಿ ಚಿತ್ರದಲ್ಲಿ ಬಿಜಿಯಾಗಿದ್ದಾರೆ. ಅದಾದ ಬಳಿಕ ಜೂನ್ ನಲ್ಲಿ ಚಿತ್ರೀಕರಣ ಆರಂಭಿಸಲಿದ್ದಾರೆ. ಇದೊಂದು ಯೂತ್‌ಫುಲ್ ಕಥೆಯಾಗಿದ್ದು, ನಿಖಿಲ್ ಸಹ ಇಷ್ಟಪಟ್ಟಿದ್ದಾರಂತೆ. ಸದ್ಯಕ್ಕೆ ನಿಖಿಲ್ ವಿದೇಶದಲ್ಲಿ ಇನ್ನೊಂದಿಷ್ಟು ತರಬೇತಿ ಪಡೆಯುತ್ತಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
