ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ನಟ, ಬಿಗ್ ಬಾಸ್ ಖ್ಯಾತಿಯ ಪ್ರಥಮ್

Photo Courtesy: Instagram

ಬೆಂಗಳೂರು: ಬಿಗ್ ಬಾಸ್ ಖ್ಯಾತಿಯ ನಟ ಪ್ರಥಮ್ ಇಂದು ಮನೆಯವರ ಸಮ್ಮುಖದಲ್ಲಿ ಸರಳವಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು.

ಮನೆಯವರೇ ನೋಡಿ ಮೆಚ್ಚಿದ ಹುಡುಗಿ ಭಾನುಶ್ರೀ ಜೊತೆ ಸರಳವಾಗಿ ವಿವಾಹವಾಗಿದ್ದಾರೆ. ಮದುವೆಗೆ ಪ್ರಥಮ್ ಮತ್ತು ಭಾನುಶ್ರೀ ಕುಟುಂಬಸ್ಥರು ಮತ್ತು ಕೆಲವು ಆಪ್ತರು ಹಾಜರಾಗಿದ್ದರು. ಸಿನಿಮಾ ಕ್ಷೇತ್ರದಿಂದ ನಟ ಲವ್ಲೀ ಸ್ಟಾರ್ ಪ್ರೇಮ್, ಧ್ರುವ ಸರ್ಜಾ, ಶರಣ್, ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್ ಮುಂತಾದವರು ಹಾಜರಿದ್ದರು.

ಎಲ್ಲರನ್ನೂ ಮದುವೆಗೆ ಕರೆಯುವುದಿಲ್ಲ ಎಂದು ಪ್ರಥಮ್ ಈಗಾಗಲೇ ಸೋಷಿಯಲ್ ಮೀಡಿಯಾದಲ್ಲಿ ಹೇಳಿದ್ದರು. ನನಗೆ ಅದ್ಧೂರಿ ಇಷ್ಟವಿಲ್ಲ. ಹಾಗಾಗಿ ಸರಳವಾಗಿ ಮದುವೆಯಾಗುವುದಾಗಿ ಹೇಳಿದ್ದರು. ಅದರಂತೆ ನಡೆದುಕೊಂಡಿದ್ದಾರೆ.

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಗಣ್ಯಾತಿ ಗಣ್ಯರನ್ನು ಕರೆದು ಅದ್ಧೂರಿಯಾಗಿ ಮದುವೆಯಾಗುತ್ತಾರೆ. ಆದರೆ ತಾವು ಇತರರಂತೆ ಅಲ್ಲ ಎಂಬುದನ್ನು ಪ್ರಥಮ್ ತೋರಿಸಿಕೊಟ್ಟಿದ್ದಾರೆ.