ಬೆಂಗಳೂರು: ಬಾಲಿವುಡ್ ನಟಿ ರವೀನಾ ಟಂಡನ್ ಅವರ ಕಾರು ಚಾಲಕ ಅತೀ ವೇಗದಲ್ಲಿ ಕಾರು ಚಾಲನೆ ಮಾಡಿ ಮೂವರಿಗೆ ಡಿಕ್ಕಿ ಹೊಡೆದಿದ್ದಾನೆ.
ಘಟನೆ ಸಂಬಂಧ ವಾಗ್ವಾದಕ್ಕಿಳಿದ ನಟಿ ರವೀನಾ ಮೇಲೆ ಕೋಪಗೊಂಡ ಜನರು ಹಲ್ಲೆಗೆ ಮುಂದಾಗಿದ್ದು, ನಟಿ ಈ ವೇಳೆ ದಯವಿಟ್ಟು ನನ್ನನ್ನು ಹೊಡೆಯಬೇಡಿ ಎಂದು ಕೇಳಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.
ಇದೀಗ ನಟಿಯ ಕಾರು ಚಾಲಕ ಅತೀ ವೇಗದಿಂದ ವಾಹನ ಚಲಾಯಿಸಿದ್ದರಿಂದ ಈ ಅವಘಡ ಸಂಭವಿಸಿದೆ ಎಂದು ಆರೋಪಿಸಲಾಗಿದೆ. ಅದಲ್ಲದೆ ಗಾಡಿಯಲ್ಲಿದ್ದ ರವೀನಾ ಅವರು ಮದ್ಯದ ಅಮಲಿನಲ್ಲಿ ನಮ್ಮ ಮೇಲೆ ಹಲ್ಲೆಗೆ ಯತ್ನಿಸಿದ್ದರು ಎಂದು ಅಲ್ಲಿದ್ದವರು ಆರೋಪಿಸಿದ್ದಾರೆ.
ವೈರಲ್‌ ಆಗುತಿರುವ ವಿಡಿಯೋದಲ್ಲಿ ಗಾಯಗೊಂಡವರಲ್ಲಿ ಒಬ್ಬರು ನನ್ನ ಮೂಗಿನಲ್ಲಿ ರಕ್ತಸ್ರಾವವಾಗುತ್ತಿದೆ, ಎಂದರೆ ಮತೊಬ್ಬರು ನೀವು ಹಲ್ಲೆ ಮಾಡಿದ್ದೀರಿ, ನಾಣು ಪೊಲೀಸರಿಗೆ ದೂರು ನೀಡುತ್ತೇನೆ ಎಂದು ಹೇಳುವುದನ್ನು ಕೇಳಬಹುದು.
ಅದಲ್ಲದೆ ವೀಡಿಯೊವೊಂದರಲ್ಲಿ, ನಟಿ 'ದಯವಿಟ್ಟು ನನ್ನನ್ನು ಹೊಡೆಯಬೇಡಿ' ಎಂದು ಹೇಳುತ್ತಿರುವುದು ಕೇಳಬಹುದು.
