ರಿಷಬ್ ಶೆಟ್ಟಿ ಬರ್ತ್ ಡೇಗೆ ಕಿರಿಕ್ ಪಾರ್ಟಿ ಬಗ್ಗೆ ಸುಳಿವು ಕೊಟ್ಟ ರಕ್ಷಿತ್ ಶೆಟ್ಟಿ

Photo Courtesy: Twitter

ಬೆಂಗಳೂರು: ರಿಷಬ್ ಶೆಟ್ಟಿ ನಿರ್ದೇಶನದಲ್ಲಿ ರಕ್ಷಿತ್ ಶೆಟ್ಟಿ ನಾಯಕರಾಗಿದ್ದ ಕಿರಿಕ್ ಪಾರ್ಟಿ ಸಿನಿಮಾ ಭರ್ಜರಿ ಹಿಟ್ ಆಗಿತ್ತು. ಈ ಸಿನಿಮಾದ ಎರಡನೇ ಭಾಗವೂ ಬರಲಿದೆ ಎಂದು ಈಗಾಗಲೇ ರಿಷಬ್, ರಕ್ಷಿತ್ ಹೇಳಿಕೊಂಡಿದ್ದರು.

ಇಂದು ರಿಷಬ್ ಶೆಟ್ಟಿ ಜನ್ಮದಿನವಾಗಿದ್ದು, ಈ ವಿಶೇಷ ದಿನಕ್ಕೆ ವಿಶ್ ಮಾಡಿದ ರಕ್ಷಿತ್ ಶೆಟ್ಟಿ ಕಿರಿಕ್ ಪಾರ್ಟಿ 2 ಬಗ್ಗೆ ಸುಳಿವು ಕೊಟ್ಟಿದ್ದಾರೆ.

‘ಹ್ಯಾಪಿ ಬರ್ತ್ ಡೇ ಮಗ. ‘ಪಾರ್ಟಿ’ ಮಾಡುವುದಕ್ಕೆ ಕಾಯ್ತಾ ಇದ್ದಾನೆ. ಪಾರ್ಟಿ ಯಾವಾಗ?’ ಎಂದು ರಕ್ಷಿತ್ ಪ್ರಶ್ನಿಸಿದ್ದಾರೆ. ಇದಕ್ಕೆ ಉತ್ತರಿಸಿರುವ ರಿಷಬ್ ‘ಥ್ಯಾಂಕ್ಸ್ ಮಗಾ. ಗಮ್ಮತ್ ಪಾರ್ಟಿ ಮಾಡುವ’ ಎಂದಿದ್ದಾರೆ. ಸದ್ಯಕ್ಕೆ ರಿಷಬ್ ಮತ್ತು ರಕ್ಷಿತ್ ಇಬ್ಬರೂ ಬೇರೆ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು ಇದಾದ ಬಳಿಕ ಕಿರಿಕ್ ಪಾರ್ಟಿ 2 ಆರಂಭವಾಗುವುದು ಖಚಿತವಾಗಿದೆ.