ಭಾವಿ ಪತಿಗೆ ಹುಡುಗಿ ಗಿಫ್ಟ್ ಕೊಡುವುದರಲ್ಲಿ ಅದೊಂದು ತರಹಾ ಮಜಾ ಇರುತ್ತೆ ಬಿಡಿ. ಈ ಅವಕಾಶ ಎಲ್ಲರಿಗೂ ಸಿಗಲ್ಲ. ಕೇವಲ ಕೆಲವರಿಗಷ್ಟೇ ಅದೃಷ್ಟ ಇರುತ್ತದೆ. ಅದರಲ್ಲೂ ಸೆಲೆಬ್ರಿಟಿಗಳಾದರಂತೂ ಗಿಫ್ಟ್, ಅದರ ಬೆಲೆ, ಏನಿರಬಹುದು ಎಂಬ ಕುತೂಹಲ ಅಭಿಮಾನಿಗಳನ್ನು ಕಾಡುತ್ತಿರುತ್ತೆ.
ಸಮಂತಾ ಕೊಟ್ಟಿರುವ ಸೂಪರ್ ಬೈಕ್ ರಿಜಿಸ್ಟ್ರೇಷನ್ ಆಗಿ ನಾಗಚೈತನ್ಯ ಕೊಂಡಾಪುರ ಆರ್‌ಟಿಓ ಕಚೇರಿಗೆ ಬಂದಿದ್ದರು. ಇದೇ ಸಂದರ್ಭದಲ್ಲಿ ಅಭಿಮಾನಿಗಳೊಂದಿಗೂ ಸ್ವಲ್ಪ ಸಮಯ ಕಳೆದರು. ಇಷ್ಟಕ್ಕೂ ಸಮಂತಾ ಕೊಟ್ಟಿರುವ ಬೈಕ್ ಯಾವುದೆಂದರೆ..ಎಂಬಿ ಅಗಸ್ಟಾ ಬೈಕ್. ಇದರ ಬೆಲೆ ರೂ.27 ಲಕ್ಷಗಳು.
ಈ ಬೈಕ್ ರಿಜಿಸ್ಟ್ರೇಶನ್‌‍ಗಾಗಿ ಸ್ವತಃ ತಾನೇ ಹೆಲ್ಮೆಟ್ ಧರಿಸಿ ಆರ್‌ಟಿಓ ಕಚೇರಿಗೆ ಬಂದಿದ್ದರು. ರೋಡ್ ತೆರಿಗೆಯಾಗಿ ರೂ.4 ಲಕ್ಷ ಸಲ್ಲಿಸಿ ಬಳಿಕ ಫೋಟೋ ತೆಗೆಸಿಕೊಂಡು ಸಹಿ ಹಾಕಿ ಫಾರ್ಮಾಲಿಟೀಸ್ ಮುಗಿಸಿಕೊಂಡಿದ್ದಾರೆ. ಈ ಬೈಕಿಗೆ ಟಿಎಸ್ 07 ಎಫ್‌ಎಂ 2003 ನಂಬರನ್ನು ಕೊಟ್ಟಿರುವುದಾಗಿ ಆರ್‌ಟಿಓ ಅಧಿಕಾರಿಗಳು ತಿಳಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
