ಸಮಂತಾ ನಟನೆಯ ‘ದಿ ಫ್ಯಾಮಿಲಿ ಮ್ಯಾನ್ 2’ ಸ್ಟ್ರೀಮಿಂಗ್ ಗೆ ದಿನ ನಿಗದಿ
ಶುಕ್ರವಾರ, 1 ಜನವರಿ 2021 (11:05 IST)
ಹೈದರಾಬಾದ್ : ಅಮೆಜಾನ್ ಪ್ರೈಮ್ ನಲ್ಲಿ ಪ್ರಸಾರವಾದ ‘ದಿ ಫ್ಯಾಮಿಲಿ ಮ್ಯಾನ್’ ವೆಬ್ ಸರಣಿ ಅದ್ಭುತ ಯಶಸ್ಸನ್ನು ಕಂಡಿತು. ಇದು ಬಳಿಕ ಇದೀಗ ಫ್ಯಾಮಿಲಿ 2 ವೆಬ್ ಸರಣಿ ಬಂದಿದೆ.
ಈ ಬಾರಿ ‘ದಿ ಫ್ಯಾಮಿಲಿ ಮ್ಯಾನ್ 2’ ಬಗ್ಗೆ ವೀಕ್ಷಕರು ಭಾರೀ ನಿರೀಕ್ಷೆ ಮೂಡಿಸಿದೆ. ಇದಕ್ಕೆ ಕಾರಣವೇನೆಂದರೆ ಈ ಬಾರಿ ನಟಿ ಸಮಂತಾ ಈ ವೆಬ್ ಸರಣಿಯಲ್ಲಿ ನಟಿಸುತ್ತಿದ್ದಾರೆ. ಇದೀಗ ಬಹುನಿರೀಕ್ಷಿತ ವೆಬ್ ಸರಣಿ ‘ದಿ ಫ್ಯಾಮಿಲಿ ಮ್ಯಾನ್ ‘ ಅಂತಿಮವಾಗಿ ಸ್ಟ್ರೀಮಿಂಗ್ ಗೆ ಸಿದ್ಧವಾಗಿದೆ. ಇದು ಫೆಬ್ರವರಿ 15ರಂದು ಸ್ಟ್ರೀಮ್ ಆಗಲಿದೆ ಎಂದು ವರದಿಯಾಗಿದೆ. ಹಾಗೇ ವರದಿಗಳ ಪ್ರಕಾರ ‘ದಿ ಫ್ಯಾಮಿಲಿ ಮ್ಯಾನ್ 2’ ಈ ಬಾರಿಯೂ ತೆಲುಗಿನಲ್ಲಿ ಲಭ್ಯವಾಗಲಿದೆ.
