ಅನುಬಂಧ ಅವಾರ್ಡ್‌ ಆರಂಭಕ್ಕೆ ಕ್ಷಣಗಣನೆ, ಈ ಬಾರಿ ಏನೆಲ್ಲ ವಿಶೇಷತೆ ಇರಲಿದೆ

Photo Courtesy X

ಬೆಂಗಳೂರು: ಇಂದು ಸಂಜೆ 7ರಿಂದ ಕಲರ್ಸ್‌ ಕನ್ನಡ ವಾಹಿನಿಯಲ್ಲಿ ಅನುಬಂಧ ಅವಾರ್ಡ್‌2024 ಪ್ರಸಾರವಾಗಲಿದೆ. ಈಗಾಗಲೇ ಕಾರ್ಯಕ್ರಮದ ಪ್ರೋಮೋ ನೋಡಿ ಸೀರಿಯಲ್ ಪ್ರಿಯರು ಫಿದಾ ಆಗಿದ್ದು, ಇದೀಗ ಕಾರ್ಯಕ್ರಮ ಆರಂಭಕ್ಕೆ ಕ್ಷಣಗಣನೆ ಶುರುವಾಗಿದೆ.

ಅನುಬಂಧ ಅವಾರ್ಡ್‌ ಕಳೆದ 10ವರ್ಷಗಳಿಂದ ಅದ್ಧೂರಿಯಾಗಿ ನಡೆಯುತ್ತಾ ಬರುತ್ತಿದೆ.  ಈ ಬಾರಿ ವಿಶೇಷ ಎಂಬಂತೆ 11 ಆ್ಯಂಕರ್‌ಗಳು ಈ ಕಾರ್ಯಕ್ರಮವನ್ನು ನಡೆಸಿಕೊಡಲಿರುವುದು.

ಸಿನಿಮಾ ರಂಗದ ಹಾಗೇ ಕಿರುತೆರೆಯಲ್ಲೂ ಮನಮೆಚ್ಚಿದ ಸೀರಿಯಲ್‌ ಅನ್ನು ಗುರುತಿಸಿ ಅವಾರ್ಡ್ ನೀಡಲಾಗುತ್ತದೆ. ಈ ಮೂಲಕ ಕಲಾವಿದರಿಗೆ ಪ್ರೋತ್ಸಾಹಿಸಲಾಗುತ್ತದೆ.

ಕಿರುತೆರೆ ಲೋಕದಲ್ಲಿ ಹಬ್ಬದ ರೀತಿಯೇ ಮೂಡಿಬರುತ್ತಿರುವ ಅನುಬಂಧದಲ್ಲಿ ಸಿನಿಮಾ ನಾಯಕ, ನಾಯಕಿಯರು, ಸ್ಟಾರ್‌ ನಿರ್ದೇಶಕರು ಭಾಗವಹಿಸಿ, ವಿಜೇತರಿಗೆ ಪ್ರಶಸ್ತಿ ನೀಡುತ್ತಾರೆ. ಜನ ವೋಟ್ ಮೂಲಕ ತಮ್ಮ ನೆಚ್ಚಿನ ನಟ, ನಟಿ, ಪೋಷಕ ಪಾತ್ರಗಳನ್ನು ಆಯ್ಕೆ ಮಾಡಿದ್ದು, ಅದರ ಅನುಸಾರ ಪ್ರಶಸ್ತಿ ಸಿಗಲಿದೆ.  ಈ ಬಾರಿಯೂ ಮನರಂಜನೆಗೆ ಏನೂ ಕಡಿಮೆ ಇಲ್ಲದ ಹಾಗೇ ಅನುಬಂಧ ಮೂಡಿಬರಲಿದೆ ಎನ್ನಲಾಗಿದೆ.