ಸೂಪರ್ ಸ್ಟಾರ್ ರಜನಿಕಾಂತ್ ಸದ್ಯಕ್ಕೆ ಶಂಕರ್ ನಿರ್ದೇಶನದ ಅದ್ದೂರಿ ಚಿತ್ರ 2.0 ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ಚಿತ್ರದ ಬಳಿಕ ಅವರು ಕಬಾಲಿ ನಿರ್ದೇಶಕ ಪಾ ರಂಜಿತ್ ನಿರ್ದೇಶನದ ಮತ್ತೊಂದು ಚಿತ್ರದಲ್ಲಿ ಬಣ್ಣಹಚ್ಚಲಿದ್ದಾರೆ. ರಜನಿಕಾಂತ್ ಅಳಿಯ, ನಟ ಧನುಷ್ ಈ ಚಿತ್ರದ ನಿರ್ಮಾಪಕರು.
ಮೇ ತಿಂಗಳಲ್ಲಿ ಈ ಚಿತ್ರ ಸೆಟ್ಟೆರಲಿದೆ. ಈ ಹಿನ್ನೆಲೆಯಲ್ಲಿ ಚಿತ್ರದ ತಾರಾಗಣದ ಆಯ್ಕೆಯಲ್ಲಿ ಚಿತ್ರತಂಡ ಬಿಜಿಯಾಗಿದೆ. ರಜನಿಕಾಂತ್‌ಗೆ ಈ ಬಾರಿ ವಿದ್ಯಾ ಬಾಲನ್ ಜೋಡಿಯಾಗಲಿದ್ದಾರೆ. ಈಗಾಗಲೆ ವಿದ್ಯಾ ಬಾಲನ್ ಜತೆ ಮಾತುಕತೆ ಮಾಡಲಾಗಿದೆಯಂತೆ. ನಟಿಸಲು ಅವರು ಸಹ ಆಸಕ್ತಿ ತೋರಿದ್ದಾರೆ ಎನ್ನುತ್ತವೆ ಮೂಲಗಳು.
ಒಂದು ವೇಳೆ ಇದೇ ನಿಜವಾದರೆ ವಿದ್ಯಾ ಬಾಲನ್ ಕೋಲಿವುಡ್‌ನಲ್ಲಿ ಅಭಿನಯಿಸುತ್ತಿರುವ ಮೊದಲ ಚಿತ್ರವಾಗಲಿದೆ. ಈ ಮೂಲಕ ದಕ್ಷಿಣದ ಚಿತ್ರಗಳಲ್ಲೂ ವಿದ್ಯಾ ಬಾಲನ್ ಹವಾ ಮುಂದುವರೆಯಲಿದೆ. ರಜನಿಕಾಂತ್ ಜತೆ ವಿದ್ಯಾ ಬಾಲನ್ ಅಭಿನಯಿಸುತ್ತಿರುವುದು ಇದೇ ಮೊದಲು.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ.
