ಏನೇ ಬರ್ಲಿ, ಥಿಯೇಟರ್ ನಲ್ಲಿಯೇ ವಿಕ್ರಾಂತ್ ರೋಣ ರಿಲೀಸ್

ಭಾನುವಾರ, 9 ಜನವರಿ 2022 (09:16 IST)
ಬೆಂಗಳೂರು: ಕಿಚ್ಚ ಸುದೀಪ್ ಅಭಿನಯದ ವಿಕ್ರಾಂತ್ ರೋಣ ಸಿನಿಮಾಗೆ ಒಟಿಟಿಯಿಂದ ಭರ್ಜರಿ ಆಫರ್ ಬಂದಿದೆ ಎಂಬ ಸುದ್ದಿ ಬೆನ್ನಲ್ಲೇ ಈ ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಗಬಹುದು ಎಂಬ ಸುದ್ದಿಯಿತ್ತು.

ಈ ಬಗ್ಗೆ ನಿರ್ಮಾಪಕ ಜ್ಯಾಕ್ ಮಂಜು ಕೂಡಾ ಒಟಿಟಿಯಿಂದ ಆಫರ್ ಬಂದಿರುವುದು ನಿಜ. ಆದರೆ ಇದುವರೆಗೆ ಈ ಬಗ್ಗೆ ತೀರ್ಮಾನ ನಡೆಸಿಲ್ಲ ಎಂದಿದ್ದರು.

ಫೆಬ್ರವರಿ 24 ರಂದು ಚಿತ್ರ ಥಿಯೇಟರ್ ನಲ್ಲಿ ಬಿಡುಗಡೆಯಾಗುವುದಾಗಿ ಘೋಷಣೆಯಾಗಿತ್ತು. ಆದರೆ ಅದರ ಬೆನ್ನಲ್ಲೇ ಕೊರೋನಾದಿಂದಾಗಿ ಥಿಯೇಟರ್ ನ ಮೇಲೆ ನಿರ್ಬಂಧ ವಿಧಿಸಲಾಗಿದೆ. ಹೀಗಾಗಿ ಒಟಿಟಿಯಲ್ಲಿ ರಿಲೀಸ್ ಆಗುವ ಬಗ್ಗೆ ರೂಮರ್ ಹರಡಿತ್ತು. ಇದೀಗ ಚಿತ್ರತಂಡ ಏನೇ ಆದರೂ ಥಿಯೇಟರ್ ನಲ್ಲಿಯೇ ಸಿನಿಮಾ ರಿಲೀಸ್ ಮಾಡುವ ನಿರ್ಧಾರಕ್ಕೆ  ಬಂದಿದೆ. ಹೀಗಾಗಿ 3ಡಿ ಇಫೆಕ್ಟ್ ನಲ್ಲಿ ವಿಕ್ರಾಂತ್ ರೋಣನನ್ನು ಥಿಯೇಟರ್ ನಲ್ಲಿ ವೀಕ್ಷಿಸಬಹುದು.

ವೆಬ್ದುನಿಯಾವನ್ನು ಓದಿ

ಸಂಬಂಧಿಸಿದ ಸುದ್ದಿ