ಇದೀಗ ಫಸ್ಟ್ ಲುಕ್ ಮೂಲಕ ವಿಂಡೋಸೀಟ್ ಚಿತ್ರದ ಪ್ರಚಾರ ಕಾರ್ಯ ಆರಂಭಿಸಿದ್ದು, 54 ಸೆಕೆಂಡ್ ಒಳಗೊಂಡಿರೋ ಕ್ರಿಯೇಟಿವ್ ಫಸ್ಟ್ ಲುಕ್ ವಿಡಿಯೋ ಸಖತ್ ಕಿಕ್ ಕೊಟ್ಟಿದೆ. ರೈಲಿನಲ್ಲಿ ಕಿಟಕಿ ಪಕ್ಕ ಕುಳಿತು ಪಯಣಿಸುತ್ತಿದ್ದ ನಾಯಕ ಅಚನಾಕ್ ಆಗಿ ಕಾಣೋ ಸುಂದರ ಹುಡುಗಿಗೆ ಮನಃಸೋತು ಕಾತರದಿಂದ ಹುಡುಕಾಟ ನಡೆಸುತ್ತಿರೋ ತುಣುಕನ್ನು ಫಸ್ಟ್ ಲುಕ್ ಒಳಗೊಂಡಿದೆ. ಫಸ್ಟ್ ಲುಕ್ ಸಖತ್ ಇಂಪ್ರೆಸಿವ್ ಆಗಿದ್ದು, ವಿಜಯ್ ಪ್ರಕಾಶ್ ಇಂಪಾದ ದನಿಯಲ್ಲಿ ಹಾಡಿನ ಸಾಲುಗಳು ಫಸ್ಟ್ಲುಕ್ ಅಂದವನ್ನು ಹೆಚ್ಚಿಸಿದೆ.
ನಿರೂಪಕಿ, ನಟಿಯಾಗಿ ಸೈ ಎನಿಸಿಕೊಂಡಿರುವ ಶೀತಲ್ ಶೆಟ್ಟಿ ಮೈಕ್ ಹಿಡಿದು ಡೈರೆಕ್ಟರ್ ಕ್ಯಾಪ್ ತೊಟ್ಟಿರೋ ಮೊದಲ ಸಿನಿಮಾವಿದು. ಚಿತ್ರದ ಟೈಟಲ್ ಹಾಗೂ ರೋಮ್ಯಾಂಟಿಕ್ ಥ್ರಿಲ್ಲರ್ ಸಿನಿಮಾ ಎಂದು ಕೇಳಿದಾಗಲೇ ಎಲ್ಲರ ಗಮನ ಸೆಳೆದ ಈ ಚಿತ್ರ, ಈಗ ಒಂದೊಂದೆ ಅಪ್ಡೇಟ್ಸ್ ಮೂಲಕ ಎಲ್ಲರ ನಿರೀಕ್ಷೆಯನ್ನು ಇನ್ನಷ್ಟು ಹೆಚ್ಚು ಮಾಡ್ತಿದೆ.
ಸಿನಿಮಾ ಆಯ್ಕೆಗಳಲ್ಲಿ ಸಖತ್ ಚ್ಯುಸಿ ಆಗಿರುವ ನಿರೂಪ್ ಭಂಡಾರಿ ರೋಮ್ಯಾಂಟಿಕ್ ಥ್ರಿಲ್ಲರ್ ‘ವಿಂಡೋಸೀಟ್’ ರಥವೇರಿದ್ದು, ಸಂಜನಾ ಆನಂದ್, ಅಮೃತ ಐಯ್ಯಂಗರ್ ಚಿತ್ರದಲ್ಲಿ ನಾಯಕಿಯರಾಗಿ ನಟಿಸಿದ್ದಾರೆ. ಶೂಟಿಂಗ್ ಕಂಪ್ಲೀಟ್ ಮಾಡಿ, ಪೋಸ್ಟ್
ಪ್ರೊಡಕ್ಷನ್ ಕೆಲಸದಲ್ಲಿ ಫುಲ್ ಬ್ಯುಸಿಯಾಗಿರೋ ಟೀಂ ವಿಂಡೋ ಸೀಟ್ ಇನ್ಮುಂದೆ ಒಂದೊಂದೇ ಝಲಕ್ ಗಳ ಮೂಲಕ ಚಿತ್ರದ ಅಪ್ಡೇಟ್ಸ್ ನೀಡಲಿದೆ.
ಅರ್ಜುನ್ ಜನ್ಯ ಸಂಗೀತ ಸಾರಥ್ಯ, ವಿಘ್ನೇಶ್ ರಾಜ್ ಕ್ಯಾಮೆರಾ ವರ್ಕ್ ವಿಂಡೋಸೀಟ್ ಚಿತ್ರಕ್ಕಿದೆ. ರವಿಶಂಕರ್, ಮಧುಸೂದನ್ ರಾವ್, ಸೂರಜ್ ಸೇರಿದಂತೆ ಹಲವು ಕಲಾವಿದರು ಚಿತ್ರದಲ್ಲಿ ಬಣ್ಣಹಚ್ಚಿದ್ದಾರೆ. ಜಾಕ್ ಮಂಜು ನಿರ್ಮಾಣದಲ್ಲಿ ಮೂಡಿ ಬರ್ತಿರೋ ಈ ಚಿತ್ರ ಎಲ್ಲವೂ ಅಂದುಕೊಂಡಂತೆ ಆದ್ರೆ ಡಿಸೆಂಬರ್ ನಲ್ಲಿ ತೆರೆಗೆ ಬರಲಿದೆ.
