ಇವಳೆಂಥಾ ಸೊಸೆ, ಅತ್ತೆ ಮಾವನಿಗೆ ಮಕ್ಕಳ ಜೊತೆ ಸೇರಿ ಥಳಿಸಿದ ವಿಡಿಯೋ ಇಲ್ಲಿದೆ

ಬೆಂಗಳೂರು: ವೃದ್ಧ, ಅನಾರೋಗ್ಯ ಪೀಡಿತ ಅತ್ತೆ-ಮಾವನಿಗೆ ಮಕ್ಕಳ ಜೊತೆ ಸೇರಿಕೊಂಡು ಸೊಸೆ ಎನಿಸಿಕೊಂಡವಳು ಮನಬಂದಂತೆ ಥಳಿಸಿದ ವಿಡಿಯೋ ಈಗ ವೈರಲ್ ಆಗಿದೆ. ಇದೀಗ ಸೊಸೆ ವಿರುದ್ಧ ದೂರು ದಾಖಲಾಗಿದೆ.

ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ವೈದ್ಯೆಯಾಗಿರುವ ಡಾ ಪ್ರಿಯದರ್ಶಿನಿ ಎಂಬಾಕೆ ತನ್ನ ಅತ್ತೆ-ಮಾವನ ಮೇಲೆ ಅಮಾನುಷವಾಗಿ ಹಲ್ಲೆ ನಡೆಸಿದ್ದಾಳೆ. ಇದಕ್ಕೆ ಆಕೆಯ ಇಬ್ಬರು ಮಕ್ಕಳೂ ಸಾಥ್ ನೀಡಿದ್ದಾರೆ. ಇದೀಗ ಸೊಸೆ ವಿರುದ್ಧ ಮಾವ ನರಸಿಂಹಯ್ಯ ಪೊಲೀಸರಿಗೆ ದೂರು ನೀಡಿದ್ದಾರೆ.

ಸೊಸೆ ಕಿರುಕುಳಕ್ಕೆ ಬೇಸತ್ತ ಅತ್ತೆ-ಮಾವ ಕಳೆದ ಕೆಲವು ವರ್ಷಗಳಿಂದಲೂ ಪ್ರತ್ಯೇಕವಾಗಿಯೇ ವಾಸವಾಗಿದ್ದಾರೆ. ಅತ್ತೆ-ಮಾವನ ಭೇಟಿಗೆ ಆಕೆಗೆ ಯಾವುದೇ ಹಕ್ಕಿಲ್ಲ ಎಂದು ಕೋರ್ಟ್ ಕೂಡಾ ತೀರ್ಪು ನೀಡಿತ್ತು. ಆದರೆ ಮಾರ್ಚ್ 10 ರಂದು ರಾತ್ರಿ ಮಕ್ಕಳೊಂದಿಗೆ ಮನೆಗೆ ಬಂದ ಪ್ರಿಯದರ್ಶಿನಿ ತಮ್ಮ ಮೇಲೆ ಹಲ್ಲೆ ನಡೆಸಿದ್ದಾಳೆ ಎಂದು ದೂರಿನಲ್ಲಿ ಮಾವ ನರಸಿಂಹಯ್ಯ ಹೇಳಿದ್ದಾರೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರಿಂದಲೂ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಇಂತಹವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.

It is deeply disturbing to see elderly parents suffering abuse at the hands of their daughters-in-law. One such horrifying case involves Dr. Priyadarshini N, a doctor at Victoria Government Hospital, who harassed her in-laws for over a decade. Her mistreatment forced them to… pic.twitter.com/FPh2IpmHq9

— Karnataka Portfolio (@karnatakaportf) March 13, 2025