ಕೊರೋನಾ ಜಾಗೃತಿಗೆ BBMP ಒತ್ತು

ಚೀನಾದಲ್ಲಿ ಕೊರೋನಾ ಅಧಿಕಗೊಂಡಿದೆ. ಅಲ್ಲಿ ಕೊರೋನಾ ಮರಣ ಮೃದಂಗ ಭಾರಿಸುತ್ತಿದೆ. ಇದರಿಂದ ಭಾರತದಲ್ಲಿ ಆತಂಕ ಶುರುವಾಗಿದೆ. ಬೆಂಗಳೂರು ನಗರದಲ್ಲಿ ಅಧಿಕ ಮಂದಿ ವಾಸ ಮಾಡ್ತಿದ್ದು, ಕೊರೋನಾತಂಕ ಮನೆ ಮಾಡಿದೆ.  ಬಿಬಿಎಂಪಿಗೆ ಮತ್ತೆ ಕೊರೊನಾ ಟೆನ್ಷನ್ ಶುರುವಾಗಿದೆ. ಈ ಹಿನ್ನೆಲೆಯಲ್ಲಿ ರಾಜಧಾನಿಯಲ್ಲಿ ಕೊರೊನಾ ಕಂಟ್ರೋಲ್​​ಗೆ BBMP ಜಾಗೃತಿ ಕಾರ್ಯಕ್ಕೆ ಒತ್ತು ನೀಡಿದೆ. ಮಾಸ್ಕ್ ಕಡ್ಡಾಯ ಪಾಲನೆಗೆ BBMP ಮುಂದಾಗಿದೆ. ದಂಡ ಪ್ರಯೋಗ ಅಸ್ತ್ರ ಸದ್ಯಕ್ಕಿಲ್ಲ ಎಂದು ತಿಳಿಸಿದೆ. ಮಾರ್ಷಲ್ ಮೂಲಕ ಮಾಸ್ಕ್ ಹಾಕುವ ಕುರಿತು ಜಾಗೃತಿ ಮೂಡಿಸುವುದಕ್ಕೆ ಸೂಚನೆ ನೀಡಲಾಗಿದೆ. ಜಾಗೃತಿಗಾಗಿ 441 ಮಾರ್ಷಲ್​ಗಳನ್ನು ಬಳಕೆ ಮಾಡಲು ಯೋಜಿಸಲಾಗಿದೆ. ಜೊತೆಗೆ BBMPಯ 800ಕ್ಕೂ ಅಧಿಕ ಆರೋಗ್ಯ ಸಿಬ್ಬಂದಿಯಿಂದ ಜಾಗೃತಿ ಮೂಡಿಸಲು ಮುಂದಾಗಿದೆ. ಮಾರುಕಟ್ಟೆ, ಶಾಪಿಂಗ್ ಕಾಂಪ್ಲೆಕ್ಸ್ , ಮದುವೆ ಮಂಟಪ, ರಾಜಕೀಯ ಕಾರ್ಯಕ್ರಮ, ಪ್ರತಿಭಟನಾ ಸ್ಥಳದಲ್ಲಿ ಜಾಗೃತಿಗೆ ಒತ್ತು ಕೊಡಲಾಗಿದೆ.