ಪ್ರೀತಿ ಮಾಡು ಅಂತ ಅಪ್ರಾಪ್ತೆಯ ಬೆನ್ನು ಬಿದ್ದವನ ಮೇಲೆ ಬಿತ್ತು ಕೇಸ್!

ತನ್ನನ್ನೇ ಪ್ರೀತಿ ಮಾಡುವಂತೆ ಕಾಲೇಜಿಗೆ ತೆರಳುವ ಯುವತಿಯ ಹಿಂದೆ ಬಿದ್ದಿದ್ದ ಭೂಪನೊಬ್ಬನ ವಿರುದ್ಧ ಕೇಸ್ ದಾಖಲಾಗಿದೆ.

ಯುವಕನಿಂದ ಅಪ್ರಾಪ್ತೆಗೆ ಕಿರುಕುಳ ನೀಡಲಾಗುತ್ತಿದೆ. ಪ್ರೀತಿಸುವಂತೆ ಕಿರುಕುಳ ನೀಡುತ್ತಿದ್ದ ಯುವಕನ ವಿರುದ್ಧ ಯುವತಿ ಕುಟುಂಬದವರು ಆಕ್ರೋಶಗೊಂಡಿದ್ದಾರೆ.  

ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲೂಕಿನ ಮೇಲುಕೋಟೆಯಲ್ಲಿ ಈ ಘಟನೆ ನಡೆದಿದೆ.

ಕಾಲೇಜಿಗೆ ಬಾಲಕಿ ತೆರಳುವಾಗ ಹಿಂಬಾಲಿಸಿ ಯುವಕ ಕಿರುಕುಳ ನೀಡುತ್ತಿದ್ದ ಎನ್ನಲಾಗಿದೆ. ಚೇತನ್ (28) ಎಂಬಾತನಿಂದ ಬಾಲಕಿಗೆ ಹಿಂಸೆಯಾಗುತ್ತಿದ್ದು, ಯುವಕನ ವಿರುದ್ಧ ಬಾಲಕಿಯ ತಂದೆ ದೂರು ದಾಖಲು ಮಾಡಿದ್ದಾರೆ.

ಯುವಕನ ವಿರುದ್ಧ ಮೇಲುಕೋಟೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.