ಚಿಕ್ಕಬಳ್ಳಾಪುರ ಎಸ್ ಪಿ ನೇಮಕದಲ್ಲಿ ಗೊಂದಲ; ಪುರುಷ ಎಸ್ ಪಿ ಬೇಕೆಂದು ಸಚಿವ ಡಾ.ಸುಧಾಕರ್ ಬೇಡಿಕೆ

ಚಿಕ್ಕಬಳ್ಳಾಪುರ : ಚಿಕ್ಕಬಳ್ಳಾಪುರ ಪೊಲೀಸ್ ವರಿಷ್ಠಾಧಿಕಾರಿ ನೇಮಕದಲ್ಲಿ ಗೊಂದಲವಾದ ಹಿನ್ನಲೆಯಲ್ಲಿ ಸರ್ಕಾರ ಎಸ್ ಪಿ ನೇಮಕ ವಿಳಂಬ ಮಾಡುತ್ತಿದೆ ಎಂಬುದಾಗಿ ತಿಳಿದುಬಂದಿದೆ.

ಒಂದು ವಾರದ ಹಿಂದೆ ಚಿಕ್ಕಬಳ್ಳಾಪುರ ಪೊಲೀಸ್ ವರಿಷ್ಠಾಧಿಕಾರಿಯಾಗಿದ್ದ ಅಭಿನವ್ ಖರೆ ವರ್ಗಾವಣೆಯಾಗಿದ್ದ ಕಾರಣ ಜಿಲ್ಲೆಯಲ್ಲಿ ಕೆಲಸ ಮಾಡಲು ಮಹಿಳಾ ಅಧಿಕಾರಿ ಶತಪ್ರಯತ್ನ ಮಾಡುತ್ತಿದ್ದಾರೆ.

ಆದರೆ ಜಿಲ್ಲೆಗೆ ಪುರುಷ ಎಸ್ ಪಿ ಬೇಕೆಂದು ಸಚಿವ ಡಾ.ಸುಧಾಕರ್ ಬೇಡಿಕೆ ಇಡುತ್ತಿದ್ದಾರೆ. ಇದರಿಂದ ಈ ವಿಚಾರದಲ್ಲಿ ಗೊಂದಲ ಏರ್ಪಟ್ಟ ಹಿನ್ನಲೆಯಲ್ಲಿ ಸರ್ಕಾರ ಎಸ್ ಪಿ ನೇಮಕ ವಿಳಂಬ ಮಾಡುತ್ತಿದೆ ಎನ್ನಲಾಗಿದೆ.