ಗಾಂಜಾ ಸ್ಮಗ್ಲಿಂಗ್ ಹೊಸದೇನಲ್ಲ, ಡಿಐಜಿ ಡಿ. ರೂಪಾ ಅನ್ವೇಷಣೆ ಮಾಡಿಲ್ಲ: ಡಿಜಿ

ಶಶಿಕಲಾಗೆ ಕಾರಾಗೃಹದಲ್ಲಿ ವಿಶೇಷ ಅಡುಗೆ ಮನೆ ಮತ್ತು ವಿಐಪಿ ಸೌಲಭ್ಯ ನೀಡಲಾಗುತ್ತಿದೆ ಎಂಬ ಕಾರಾಗ್ಋಹ ಡಿಐಜಿ ರೂಪಾ ನೀಡಿರುವ ವರದಿಯನ್ನ ಡಿಜಿ ಸತ್ಯನಾರಾಯಣ ರಾವ್ ತಳ್ಳಿ ಹಾಕಿದ್ದಾರೆ.

ಶಶಿಕಲಾ ಅವರಿಗೆ ಯಾವುದೇ ವಿಶೇಷ ಸೌಲಭ್ಯ ಒದಗಿಸಿಲ್ಲ. ಸಾಮಾನ್ಯ ಕೈದಿ ಇರುವ ಸೆಲ್`ನಲ್ಲೇ ಇರಿಸಲಾಗಿದೆ. ಡಿಐಜಿ ರೂಪಾ ಅವರಿಗೆ ಕಾರಾಗೃಹದ ಬಗ್ಗೆ ಗೊತ್ತಿಲ್ಲ. ಫೋಟೋ ತೆಗೆದು ಮಾಧ್ಯಮಗಳಿಗೆ ಕಳುಹಿಸುವುದು ಮಾತ್ರ ಗೊತ್ತಿದೆ. ಕಚೇರಿ ಸಮಯ ಮುಗಿದ ಮೇಲೆ ವರದಿ ನನಗೆ ಬಂದಿದೆ. ನಮಗೆ ತಿಳಿಸದೇ ಮಾಧ್ಯಮಗಳಿಗೆ ಮಾಹಿತಿ ಕೊಟ್ಟಿದ್ದಾರೆ. ಯಾವುದೇ ರಾಜಕಾರಣಿಯ ಶಿಫಾರಸ್ಸನ್ನ ನಾವು ಕೇರ್ ಮಾಡಿಲ್ಲ. ವಿಶೇಷ ಸೌಲಭ್ಯ ನೀಡಿಲ್ಲ ಎಂದಿದ್ದಾರೆ.

25 ಕೈದಿಗಳ ಪೈಕಿ 18 ಕೈದಿಗಳು ಗಾಂಜಾ ಮತ್ತಿನಲ್ಲಿ ತೇಲುತ್ತಿದ್ದಾರೆಂಬ ರೂಪಾ ವರದಿ ಬಗ್ಗೆ ಉತ್ತರಿಸಿದ ಅವರು ಪ್ರತಿನಿತ್ಯ ಗಾಂಜಾ ಸ್ಮಗ್ಲಿಂಗ್ ಪ್ರಯತ್ನ ನಡೆಯುತ್ತಿದೆ. ಅದನ್ನ ನಾವು ತಡೆಯುತ್ತೇವೆ. ಇದರಲ್ಲಿ ರೂಪಾಮಾಡಿದ ಅನ್ವೇಷಣೆ ಏನೂ ಇಲ್ಲ ಎಂದು ಹೇಳಿದ್ದಾರೆ.

ಇದೇವೇಳೆ, 2 ಕೋಟಿ ರೂ. ಲಂಚ ಪಡೆದಿರುವ ಆರೋಪದ ಬಗ್ಗೆ ಪ್ರತಿಕ್ರಿಯಿಸಿರುವ ಡಿಜಿ ಸತ್ಯನಾರಾಯಣ ರಾವ್, ಹಣವಿರಲಿ ಒಂದು ಬಿಸ್ಕೆಟ್ ಖುಡ ಪಡೆದಿಲ್ಲ ಎಂದಿದ್ದಾರೆ.

 ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ