ಬೆಂಗಳೂರು: ಹೇಳೋಕೆ ಅದು ಜಿಂಕೆ ಲೋಕ.. ಆದ್ರೆ ಜಿಂಕೆ ಲೋಕಕ್ಕೆ ಹೋದ್ರೆ ಮಂಕು ಬಡಿದು ಬಿಡುತ್ತೆ.. ಕೋಟಿ ಕೋಟಿ ಖರ್ಚು ಮಾಡಿ ಲೋಕಕ್ಕೇ ತಂಪಾಗ್ಲಿ ಅಂತ ಬಿಟ್ರೆ ಕೋಟೆಯನ್ನೇ ಹಾಳ್ ಮಾಡಿಬಿಡೋದಾ? ರೈಲಿದ್ರೂ ಓಡಲ್ಲ. ಮಕ್ಕಳಿದ್ರೂ ಆಟ ಆಡೋಕೆ ಆಗ್ತಿಲ್ಲ.ಜಿಮ್ ಉಪಕರಣಗಳಿದ್ರೂ ಯೂಸ್ ಆಗ್ತಿಲ್ಲ. ಪಾಲಿಕೆ ಮಾತ್ರ ಇತ್ತ ಗಮನ ಕೊಡ್ತಿಲ್ಲ.ಅಂದ್ಹಾಗೆ ಇಷ್ಟೆಲ್ಲಾ ಅವ್ಯವಸ್ಥೆಗಳ ಆಗರವಾಗಿರೋದು ಚಾಮರಾಜಪೇಟೆ ಬಳಿ ಇರುವ ಟಿಆರ್ ಮಿಲ್ನ ಜಿಂಕೆ ಪಾರ್ಕ್ ದೃಶ್ಯಗಳು.. ನಿರ್ಮಾಣವಾಗಿದ್ದ ಕಾಲದಲ್ಲಿ ನೂರಾರು ಮಕ್ಕಳು ಟ್ರೈನ್ ಹತ್ತಿ ಓಡಾಡ್ತಿದ್ರು.. ಜೋಕಾಲಿಯಲ್ಲಿ ಹಾಯಾಗಿ ಟೈಂ ಪಾಸ್ ಮಾಡ್ತಿದ್ರು.. ಆದ್ರೆ ಈಗ ಅದ್ಯಾವುದೂ ಇಲ್ಲ.. ಎಲ್ಲವೂ ಭೂತ ಬಂಗಲೆ ಹಾಗಿದೆ.. ಮಕ್ಕಳು ತಲೆ ಹಾಕೋಕೆ ಹೋಗ್ತಿಲ್ಲ..ಅಷ್ಟು ಹೀನಾಯ ಪರಿಸ್ಥಿತಿ ತಲುಪಿದೆ.
