ಯುಕೆಜಿ ಮುಗಿಸಿರುವವರ ಕತೆ ಏನು?
ಈಗಾಗಲೇ ಯುಕೆಜಿ ಮುಗಿಸಿರುವ ವಿದ್ಯಾರ್ಥಿಗಳು ಕೇವಲ ಕೆಲವೇ ದಿನಗಳಿಗೆ ವಯಸ್ಸು ಪೂರ್ತಿಯಾಗುತ್ತಿಲ್ಲ ಎಂಬ ಕಾರಣಕ್ಕೆ 1 ನೇ ತರಗತಿಗೆ ಸೇರಲು ಸಾಧ್ಯವಾಗುತ್ತಿಲ್ಲ. ಇಂತಹ ಮಕ್ಕಳ ಕತೆಯೇನು ಎಂಬುದು ಪೋಷಕರ ಪ್ರಶ್ನೆಯಾಗಿದೆ. ಒಂದು ವರ್ಷ ಮಕ್ಕಳನ್ನು ಮನೆಯಲ್ಲೇ ಕೂರಿಸಿದರೆ ಅವರಿಗೆ ಶಾಲೆಯ ಮೇಲೆ ಆಸಕ್ತಿ ಹೋಗಬಹುದು. ಇಲ್ಲವೇ ಒಂದು ರೀತಿಯಲ್ಲಿ ಮಂಕಾಗಬಹುದು.
ಬೆಂಗಳೂರಿನಂತಹ ನಗರಗಳ ಖಾಸಗಿ ಶಾಲೆಗಳಲ್ಲಿ ದುಬಾರಿ ಫೀಸ್ ಕೊಟ್ಟು ಯುಕೆಜಿ ಮುಗಿಸಿರುವ ವಿದ್ಯಾರ್ಥಿಗಳಿಗೆ ಈಗ ಮತ್ತೆ ಇನ್ನೊಂದು ವರ್ಷ ದುಬಾರಿ ಫೀಸ್ ಕೊಟ್ಟು ಯುಕೆಜಿಗೆ ಕಳುಹಿಸಲೂ ಅಲ್ಲ, ಒಂದನೇ ತರಗತಿಗೆ ದಾಖಲಾಯಿತೂ ಇಲ್ಲ ಎಂಬ ಪರಿಸ್ಥಿತಿಯಾಗಿದೆ. ಹೀಗಾಗಿ ಕನಿಷ್ಠ 1 ತಿಂಗಳ ಅಂತರವಿದ್ದವರಿಗಾದರೂ ವಿನಾಯ್ತಿ ಕೊಡಿ ಎಂದು ಪೋಷಕರು ಒತ್ತಾಯಿಸುತ್ತಿದ್ದಾರೆ.