ಖಾಸಗಿ ಕಂಪನಿಯ ಕಾರ್ಯನಿರ್ವಾಹಕ ನಿರ್ದೇಶಕನೊಬ್ಬ, ತನ್ನ ಉದ್ಯಮ ಪಾಲುದಾರರೂ, ಕಂಪನಿಯ ಸಿಇಓ ಸಹ ಆಗಿರುವ ಮಹಿಳೆಯ ಬಳಿ ಹುಟ್ಟುಹಬ್ಬದ ಉಡುಗೊರೆಯಾಗಿ ದೈಹಿಕ ಸಂಬಂಧವನ್ನು ಬೆಳೆಸುವಂತೆ ಕೇಳಿಕೊಂಡ ಹೇಯ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.
ಅಪಾರ ಪ್ರಮಾಣದ ಹಣವನ್ನು ಹೂಡಿ ಕಂಪನಿಯನ್ನು ಪ್ರಾರಂಭಿಸಲಾಗಿತ್ತು. ಕಂಪನಿ ಆರಂಭವಾದಾಗಿನಿಂದ ಜಾನ್ ನನ್ನ ಜತೆ ಆಕ್ಷೇಪಾರ್ಹ ವರ್ತನೆ ತೋರುತ್ತಿದ್ದಾರೆ. ಅಸಭ್ಯವಾಗಿ ಸ್ಪರ್ಶಿಸುತ್ತಾರೆ. ಜುಲೈ 21 ರಂದು ತನ್ನ ಹುಟ್ಟುಹಬ್ಬವನ್ನು ಆಚರಿಸಿಕೊಂಡ ಆತ ತನ್ನಲ್ಲಿ ದೈಹಿಕ ಸಂಪರ್ಕ ನಡೆಸುವಂತೆ ಕೇಳಿದ. ಆಗಸ್ಟ್ 1 ರಂದು ಚೆನ್ನೈಗೆ ಟ್ರಿಪ್ ಹೋಗೋಣ ಎಂದು ಆಹ್ವಾನಿಸಿದ್ದ ಎಂದಾಕೆ ಆರೋಪಿಸಿದ್ದಾಳೆ.
ಜಾನ್ ಮತ್ತು ಶಿಲ್ಪಾ ನಡುವೆ ಸ್ನೇಹಕ್ಕೂ ಮೀರಿದ ಸಂಬಂಧವಿದೆ. ಇತ್ತೀಚಿಗೆ ಅವರ ಸಂಬಂಧ ಹಳಸಿತ್ತು ಎಂದು ಪೊಲೀಸರು ಹೇಳುತ್ತಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿರುವ ಶಿಲ್ಪಾ ವೈಯಕ್ತಿಕ ಭದ್ರತೆಗಾಗಿ ಜಾನ್ ವಿರುದ್ಧ ದೂರನ್ನಿತ್ತಿದ್ದೇನೆ, ಮತ್ತೇನೂ ಹೇಳ ಬಯಸುವುದಿಲ್ಲ ಎಂದಿದ್ದಾಳೆ.