ಯೋಧನ ಕುಟುಂಬಕ್ಕೆ ಪ್ರತಿತಿಂಗಳು 500 ಕೊಡುತ್ತೇನೆ ಎಂದ ಪಿಎಸ್ಐ
ಉಗ್ರರ ಅಟ್ಟಹಾಸಕ್ಕೆ ಬಲಿಯಾದ ಮಂಡ್ಯದ ಯೋಧ ಗುರುವಿನ ಕುಟುಂಬಕ್ಕೆ ಪ್ರತಿ ತಿಂಗಳು ಐನೂರು ರೂಪಾಯಿ ಕೊಡುವದಾಗಿ ಪಿ.ಎಸ್.ಐ ಹೇಳಿಕೆ ನೀಡಿದ್ದಾರೆ.
ವಿಜಯಪುರ ಜಿಲ್ಲೆಯ ಮುದ್ದೇಬಿಹಾಳ ತಾಲೂಕಿನ ಆಲಮಟ್ಟಿ ಪೋಲಿಸ್ ಠಾಣೆಯ ಪಿ.ಎಸ್.ಐ ಈ ಹೇಳಿಕೆ ನೀಡಿದ್ದಾರೆ.
ಪಿ.ಎಸ್.ಐ ಎಸ್.ವಾಯ್.ನಾಯ್ಕೋಡಿ ಪ್ರತಿ ತಿಂಗಳ ಸಂಬಳದಲ್ಲಿ ಐನೂರು ರೂಪಾಯಿ ಕೊಡುವದಾಗಿ ಹೇಳಿದ್ದಾರೆ. ನಿವೃತ್ತಿ ಆದರೂ ಕೂಡಾ ಪೆನ್ ಷನ್ ಹಣದಲ್ಲೂ ಐನೂರು ರೂಪಾಯಿ ತಿಂಗಳಿಗೆ ಕೊಡುವದಾಗಿ ಹೇಳಿದ್ದಾರೆ. ಪಿ.ಎಸ್.ಐ ಎಸ್.ವಾಯ್.ನಾಯ್ಕೋಡಿ ಕಾರ್ಯಕ್ಕೆ ಸಾರ್ವಜನಿಕರಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ.
