ಬಾಯ್ ಫ್ರೆಂಡ್ ಜೊತೆ ಸೇರಿ ತನ್ನ ಮನೆಗೇ ಕನ್ನ ಹಾಕಿ ಸಿಕ್ಕಿಬಿದ್ದಳು!

ಬೆಂಗಳೂರು: ಕೆಲವು ಮಕ್ಕಳು ಮನೆಗೇ ಮಾರಿಯಾಗುತ್ತಾರೆ. ಅಂತಹದ್ದೇ ಒಂದು ಘಟನೆ ರಾಜ್ಯ  ರಾಜಧಾನಿಯಲ್ಲಿ ನಡೆದಿದೆ.

ಹಣಕ್ಕಾಗಿ ತನ್ನ ಬಾಯ್ ಫ್ರೆಂಡ್‍ ಜೊತೆ ಸೇರಿಕೊಂಡು ಯುವತಿಯೊಬ್ಬಳು ತನ್ನ ಮನೆಗೇ ಕನ್ನ ಹಾಕಿ ಸಿಕ್ಕಿಬಿದ್ದಿದ್ದಾಳೆ. ಮನೆಯಲ್ಲಿದ್ದ ಚಿನ್ನ, ನಗದು ದೋಚಿ ಇದೀಗ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದ್ದಾಳೆ. ಈ ಬಗ್ಗೆ ತಂದೆಯೇ ದೂರು ನೀಡಿದ್ದರು.

ವರಮಹಾಲಕ್ಷ್ಮಿ ಪೂಜೆಗೆಂದು ನಗ, ನಗದು ತೆಗೆದು ಬಳಿಕ ಕಬೋರ್ಡ್ ನಲ್ಲಿ ಇರಿಸಲಾಗಿತ್ತು. ಇದೆಲ್ಲಾ ತಿಳಿದಿದ್ದ ಮಗಳೇ ಹಣದ ಆಸೆಗೆ ಬಾಯ್ ಫ್ರೆಂಡ್ ಜೊತೆ ಸೇರಿಕೊಂಡು ಕಳೆದ ತಿಂಗಳ ಅಂತ್ಯಕ್ಕೆ ಕಳ್ಳತನ ಮಾಡಿದ್ದಾಳೆ. ಈ ಸಂಬಂಧ ತನಿಖೆಯಿಂದ ಸತ್ಯ ಬಯಲಾಗಿದೆ.